सख्या प्रीतझुला दे रे
सख्या प्रीतझुला दे रे
अक्षता पडल्या डोईवर
मन फुलपाखरू झाले रे
आकाशीचा चंद्र जमिनीवर
सख्या प्रीतझुला दे रे
दिवसामागून दिवस गेले
जीवन लागले बहरू रे
स्वप्नात आहोत असे वाटले
सख्या प्रीतझुला दे रे
वास्तव मात्र वेगळे होते
जबाबदाऱ्या वाढल्या आहेत रे
मी ही तुला साथ देते
सख्या प्रीतझुला दे रे
अनेक येतील अडचणी जरी
एकत्र येऊनी मात करू रे
आत्मविश्वास आणि सोबतच खरी
सख्या प्रीतझुला दे रे
अभिलाषा धरू या ध्येयाची
पूर्ण कराया प्रोत्साहन देऊ रे
अशीच असावी सातजन्माची
सख्या प्रीतझुला दे रे