हे वेध अंतरीचे
हे वेध अंतरीचे
हे वेध अंतरीचे, का खुणावतात मजला?
परी पाश हे मोहाचे, खेचती इथे जीवाला
बेगडी या जगात, नसे स्थान भावनेला
तरी व्यापार भावनांचा, मी मांडतो कशाला?
अरे पाहुणा इथे मी, उमगते जरी स्वतः ला
गुंत्यात या नात्यांच्या, गुंततो मी कशाला?
निर्गुण हा इथे रे, सगुण साकार बनलेला
तरी मोह हा फुकाचा, करतो मी कशाला?
हे गूढ जीवा शिवाचे, कळेल कधी रे मानवाला?
त्यागून पाश सारे, जाणेल का तो स्वतः ला?