ઘડપણ
ઘડપણ
જેના થકી પ્રવેશ્યા આ દુનિયામાં,
જગ્યા નથી તેના માટે આજે ઘર માં;
પેટે પાટા બાંધીને કર્યો જેણે સુંદર ઉછેર,
ઘડપણ માં એ મા-બાપ થયા લાચાર.
સંતાન ના શોખ ને પૂરા કરવા,
કર્યા દિવસ-રાત એક;
સારી શાળામાં ભણાવવા,
જિંદગી ના કિંમતી વર્ષો કર્યા કુરબાન.
સંતાનોને સમય આપવા,
પોતાના શોખ ને મૂક્યા નેવે;
આજે એ સંતાનો પાસે નથી,
સમય એ મા-બાપ ને માટે.
મા-બાપ ઉછેરી શકે,
ચાર ચાર સંતાનો એક સાથે;
પણ ચાર સંતાનો,
ના સાચવી શકે એ મા-બાપ ને.
નસીબ ના જો હોય બળિયા,
તો થાય મા-બાપ ના વારા;
અને કમનસીબ મા-બાપ,
જુએ વૃદ્ધાશ્રમ ના દ્વાર.
ખબર પડે ક્યારેક સંતાન ને,
એ તો આવ્યો ઘરે અનાથાશ્રમથી,
તો શું હક છે એને,
મા-બાપ ને મોકલવાનો વૃદ્ધાશ્રમે.