ગુલાબ - દિન

અમને ગમતું, એ જ તમને ગમતું,

ગમતું એ જ ગુલાબી ગુલાબ,

તમ હસ્તે ચૂંટી અમને દીધું,

પ્રેમપાસનું કામણગારું વ્હાલ.

ઉર કાગળે શબ્દ ટાંકી ‘સ્નેહલ’

રે નયનોમાં ગુલાલ ઘોળ્યો,

લહેરાઈ લજ્જા કોમળ અંગમાં,

ગુલાબ-જળે સ્નેહ વાયરો ચોળ્યો.

ટહુક્યાં ઉપવન વાસંતી મનમાં,

મધુર મલકાટે ગુંજન ગૂંજ્યાં,

શમણે શમણે ઝૂમે શ્રાવણિયો,

હીંચી હિંડોળે પારેવડાં ઊડ્યાં.

ગુલાબ-દિને ચાહતના શરપાવે,

પ્રેમ પંથે અમે ઝૂમ્યાં ખીલ્યાં.(૨)