કોને શોધું છું..?
કોને શોધું છું..?
ઘરની અંદર આ પડેલા એક ચાંદરડામાં,
હું આખે આખો ધગધગતો સૂરજ ગોતું છું.
આ તમારી આંખોમાં ડોકિયા કરી કરીને,
મને ખુદને જ ખબર નથી કે હું શું શોધું છું.
હસીન ચહેરાઓના જંગલમાં અટવાયો છું,
ના જાણે કેટલા જન્મોથી ચાંદને શોધું છું.
જમીન ઉપર ભટકી ભટકીને અંધની જેમ,
જમીનને જ વળગેલા આસમાનને શોધું છું.
આ માયાજાળ ધર્મોની ભરમાવી ગઈ મને,
હવે એક સરળ નિખાલસ સ્વધર્મ શોધું છું.
જીવતી લાશોમાં બંધ પડેલા આ હૃદયોમાં,
ખોવાઈ ગયેલા બે-ચાર ધબકારા શોધું છું.
પાંપણ પર આવીને અટકેલી અશ્રુધારમાં,
અધરોએ ખોયેલા સ્મિતના ફુવારા શોધું છું.
વાત્સલ્યના વાવાઝોડામાં અટવાયેલો હું,
જનમદાતાની એક શીતલ લહેર શોધું છું.
"પરમ"માં જાણીબૂજીને જ જાતને ખોઈને,
હું "પાગલ" થઈને ખરેખર કોને શોધુ છું?