વેદના
વેદના
આંખો અશ્રુ ઝલકથી ભરાઈ,
ને કંઈ ન હોઠે બોલાયું !
અંતર મારું ધ્રુજી ઉઠ્યું ,
ને સ્નેહ હ્દયે તોલાયું !
સર્જાય કેવી આ વેદના !
વિચાર-વાણી-વર્તને એક થઈ,
અપરંપાર જે ચૈતન્ય મેળવ્યું !
જે સ્વપ્ને પણ જોયું ન હતું,
તે જોતા ખુદને કાવ્યરસથી કેળવ્યું !
સર્જાય કેવી આ વેદના !
વહી ગયું હોય સ્વનું અસ્તિત્વ,
પોતાના જ જગમાંથી !
સાદ કરી ઉઠે પોકાર ને ,
તડપી ઉઠે દિલ રગેરગમાંથી !
સર્જાય કેવી આ વેદના !
કિનારે કદી જડતું નથી,
છીપનું સૌંદર્યવાન મોતી !
સંબંધોની ઊંડાઈમાં જતા,
શોધાઈ એકાંતમાં રુહની પ્રેમજ્યોતી !
સર્જાય કેવી આ વેદના!
પીડ પરાઈ જાણી હોય જો,
અન્ય માટેનો અત્યંત પ્રેમ !
અર્પી દે થોડું હોય જે પોતા પાસે,
બનાવી લે "સ્વપ્નીલ " આ જીવનની અનોખી નેમ !
પલટાઈ જાય સ્નેહાળ દૃષ્ટિમાં કેવી આ વેદના!