અંતરની આરાધના
અંતરની આરાધના
તારી સાથે એવી તો હળીમળી ગઈ,
કે ખુદને મળવાની ચાવી મળી ગઈ !
હોઠ ભલે ને હોય બેયના ચૂપચાપ,
ભાષા બેબુઝ આંખોની કળી ગઈ !
જમાનાએ શુ પાયું મને શું ખબર?
હું તો અમૃત સમજીને ગળી ગઈ !
તે મને એવી રીતે અપનાવી લીધી,
ગંધ હવામાં ભળે એમ ભળી ગઈ !
જેને બહાર ગોતી ગોતીને હું થાકી,
વસ્તુ અમુલખ ભીતર જડી ગઈ !
પાંપણો ઢળી'તી નીરખીને તુજને,
તો આરાધના અંતરની ફળી ગઈ !
તુજ "પરમ" સ્નેહ મલકે સ્મિતમાં,
ને આંખ "પાગલ" પ્રિતમાં ઢળી ગઈ !