સ્પૃહાઓનું અરણ્ય
સ્પૃહાઓનું અરણ્ય
આ લાગણીના દરિયામાં વેદનાની ભરતી,
જુઓ લાશ એમાં સદૈવ વિશ્વાસની તરતી !
છે આ પ્રેમનું બેબૂઝ કળીયુગી મહાભારત,
જ્યાં દ્રૌપદી જ દ્રૌપદીના ચિરહરણ કરતી !
એક ઈચ્છાઓનો જ્વાળામુખી સતત સળગે,
જ્યાં અભિપ્સાઓ હિમની જેમ એમાં ઠરતી !
વસંતના આગમન પહેલાં જ જુઓ અને કહો,
કુમળી કળીઓજ મરુસ્થલમાં શું કામ ખરતી !
બરફ જેવા માનવીનું અંતર ટટોલો તો ખરા,
કાયમ કદી ન બુઝતી એવી આગ ત્યાં ઝરતી !
સ્પૃહાઓનું એક સળગતું અરણ્ય ભીતર જુવો,
હજુ એક પૂર્ણતા ન પામે ત્યાં તો હઝારો મરતી !
ને આ મંદમંદ વાતા સમીર સથવારે આવી ચડી,
તારી યાદની ઠંડી લપટો મુજ આસપાસ ફરતી !
ને પછી એમાં નિખરીને નીરખું ખુદને આયનામાં
તો "પરમ" વાંહે "પાગલ" જાત મારી સદા મરતી !