આજ મળશે તો ખરી
આજ મળશે તો ખરી
આજ મળશે તો ખરી થોડી અડકવાની સજા.
ઘા પડ્યા એવાં હ્રદયને છે ધડકવાની સજા.
આબરૂની જો હવે પરવા કરે છે એ પછી,
ભરબજારે સામુ જોઈને મરકવાની સજા.
છે ઘણા એવા નજર બાંધી ગયા છે આંખથી,
પાંપણોને પણ મળી ત્યારે ફરકવાની સજા.
આંગળી ચીંધે જમાનો આપણા આ પ્રેમ પર,
જો અહીં ડરશું પછી મળશે છટકવાની સજા.
આભ ભેગી ઓગળીને આ ધરા ફરતી જશે,
સાંજ પડતાં સૂર્ય સાથે છે સરકવાની સજા.
કોણ છે જે પારકું ને કોણ પોતાનું બને?
છે પછી એ ઝેર ઘોળીને ગટકવાની સજા.
શ્વાસ ધીમા ત્યાં લગી આપું "ખુશી" હું ઠીક છે!
છે પછી માઠી દશા આ દિલ અટકવાની સજા.