Library
Profile
આંસુની ધાર વહી ગઈ
આંસુની ધાર વહી ગઈ
હું પાસ તારી તોયે,
એ પળ ભીની ન થઈ!
હ્દય એવું તૂટ્યું કે,
ધડકન ધબકી ગઈ,
ને આંસુની ધાર વહી ગઈ!
હું તો જાઉં રીસાઈ ને,
મનાવે તું કેવું? એજ તલપ!
જગાવી મેં આશ અંતરની,
તોયે ન મળી મુજને ઝલક!
ને આંસુની ધાર વહી ગઈ!
માંગુ હું તો તારી જ પાસે,
એવો છે રુઆબ હક્કનો મુજને!
ચપટી માંગુ ને તું આપે ખોબોભરી,
નયન તરસે મોહતાજભરી નજરે તુજને!
ને આંસુની ધાર વહી ગઈ!
હું કંઈ ન બોલું ને,
તું તો સમજી જાય સાનમાં!
પ્રેમમાં તો થઈ જાય એવુ,
નિખરીએ એકબીજાના માનમાં!
ને આંસુની ધાર વહી ગઈ!
હવે તો હું પણ ભાનમાં,
ને રહું એક જ વાતમાં!
હોય જ્યાં મૂલ્ય આંસુનું,
ત્યાં જ એ સરી પડે માનવજાતમાં!
ને આંસુની ધાર વહી ગઈ!
આવી પડેલા અનહદ સંકટોને ,
કરી શકું હું સહન !
‘સ્વ’ ને જ ચાહીને કરું હું,
દર્દ-પીડાનું દહન !
ને આંસુની ધાર વહી ગઈ!
સ્વપ્નની એક એક લહેર સાગરની,
છલકાઈને વહ્યા જબરદસ્ત!
નયન તો “સ્વપ્નીલ “ના હજુયે ન કોરા,
ભીના ભીના મધમસ્ત રહેવા બન્યા વ્યસ્ત!
ને આંસુની ધાર વહી ગઈ!
