Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

Rasmita Dixit

Drama Inspirational


4.3  

Rasmita Dixit

Drama Inspirational


ବାଘୁଣୀ ମାତିଛି

ବାଘୁଣୀ ମାତିଛି

3 mins 444 3 mins 444


    ଏଇ କେତେ ଦିନ ହେଲା କଣ ହେଇଛି କେଜାଣି , ଭାରି ଭୟ ଲାଗୁଛି  ......ତଣ୍ଟି ପାଟି ଶୁଖି ଯାଉଛି । ବେଳେବେଳେ ଜୀବନଟା ଅଛି କି ନାହିଁ ଭାବିବାକୁ ପଡୁଛି । ଯେଉଁଦିନୁ ଏଇ ଛୋଟିଆ ଜଙ୍ଗଲରେ ବୁଧନାର ମଲା ଦେହ ଟା ମିଳିଛି । ହେଲେ ତା ପରି ହଟ୍ଟା କଟ୍ଟା ମର୍ଦ୍ ଟା ମଲା କେମିତି ???


     ମୁଣ୍ଡିଆ ଆଡକୁ ଚାହିଁଲା ସମାରୁ । ସୂର୍ଯ୍ୟ ବୁଡିଯିବେ ଆଉ କେଇ କ୍ଷଣ ପରେ । ଆଜି ଅମାବାସ୍ୟା । ଜଙ୍ଗଲରେ ଅନ୍ଧକାର ଆହୁରି ଗାଢ଼ । ଏତିକି ବେଳେ ତା ଆଖି ପଡ଼ିଲା ସାମ୍ନାରୁ ବାଟ ଭାଙ୍ଗି ଚାଲି ଯାଉଥିବା ମରୁଆ ଉପରେ ।

   

   --- ଆରେ ଏ ମରୁଆ!! ,ରହ ତ ଟିକେ ।


   --- କାଇଁ କରି ରହମି ?


   ---- ତୁଇ ସବୁବେଲେ ଛିଟକି ଯାଉଛୁ କାଏନ କରି ? ମୁଇଁ କେତେ କରି ଭଲ ପାଏସି ତତେ ଇ କଥା ତୁଇ ନାଇଁ ଜାନୁ କାଏନ ?


  --- ହେତକି ନେ ରୁକ । ତୋର ସବୁ ନସର ପସର କଥା ମକେ ଜନା । ତୋର ବାଟେ ବାଟେ ଜିମୁଁ ନା ଦେଖମୁଁ ........ 

  

    

   ଜୀବନ ବିକଳରେ ଜାଗା ଛାଡି ପଳେଇ ଗଲା ସମାରୁ ।

ଏଇ ଝିଅଟାକୁ କେତେ ଥର ପଟେଇବାକୁ , ନିଜ ଫାନ୍ଦରେ ପକେଇବାକୁ ଚେଷ୍ଟା କରିଛି ହେଲେ ସବୁଥର ବିଫଳ ।


    ସାରା ବସ୍ତିରେ ଆଖିଦୃଶିଆ ଝିଅଟିଏ ମରୁଆ । ସାଧାରଣ ଆଦିବାସି ଝିଅଙ୍କ ଠାରୁ ସଫା , ଡେଙ୍ଗା ଆଉ ସୁନ୍ଦର ଗଢଣର । ସବୁଠୁ ସୁନ୍ଦର ତାର ବଡ଼ ବଡ଼ ଆଖି ଦୁଇଟି । ଗଛପତ୍ର , ପଶୁପକ୍ଷୀ , ସାଇଭାଇ ସମସ୍ତଙ୍କ ପାଇଁ ସେ ଆଖିରୁ ସ୍ନେହ ,ପ୍ରେମ ଝରୁଥିଲା ବେଳେ ସମାରୁ କୁ ଲାଗେ ତାକୁ ଦେଖିଲା ମାତ୍ରେ ସେ ଆଖି ଦୁଇଟିରେ ଅଗ୍ନି ସଂଯୋଗ ହୁଏ । ସମାରୁର ଦେହ ପୋଡି ଜଳି ଯାଏ ଅଦୃଶ୍ୟ ତାପରେ ।


ଏଇ ଝିଅଟାକୁ କଣ୍ଟ୍ରାକ୍ଟର ବାବୁ କେତେଥର କହଲାଣି ତା ପାଖକୁ ନେଇ ଗଲେ ତାକୁ ଦି ବୋତଲ ମଦ ଆଉ ବକ୍ସିସ ଦେବ ହେଲେ ହଉଛି କୋଉଠୁ ? ଏ ଝିଅଟା କି ଧାତୁରେ ଗଢା କେଜାଣି କଥା କହିଲେ ଖୁର ଚାଲୁଛି ।


    ଧୀରେ ଧୀରେ ଅନ୍ଧାର ପାଖେଇ ଆସିଲା ।ସମାରୁ ଚଞ୍ଚଳ ଚଞ୍ଚଳ ଘରମୁହାଁ ହେଲା । ଏଇ କେଇଦିନ ତଳେ ବୁଧନାର ଶବ ଜଙ୍ଗଲରେ ମିଳିଛି । ସମସ୍ତେ କହୁଛନ୍ତି ଜଙ୍ଗଲରେ ବାଘ ମାତିଛି । ତେଣୁ ରାତିରେ କେହି ବାହାରେ ରହୁ ନାହାନ୍ତି । ଆପେ ବଂଚିଲେ ବାପର ନାଁ ଭାବି ସମାରୁ ଧାଇଁଲା ।


    ଦକବଙ୍ଗଳା ପାଖ ରାସ୍ତା କଡରେ ଜଙ୍ଗଲ ଟିକେ ପତଳା । ଗତି ଟିକେ କମାଇଲା ସମାରୁ । ହଠାତ କିଛି ଶବ୍ଦ କାନରେ ପଡିଲା । ଅସ୍ପଷ୍ଟ ଗଁ ଗଁ ଶବ୍ଦ  । ଏତେବେଳେ ଏଠି କିଏ ?? କାନେଇଲା । ବଙ୍ଗଳା ଭିତରୁ ଆସୁଛି ଏ ଶବ୍ଦ । ଉତ୍ସୁକତା ହେତୁ ଆସ୍ତେ ଆସ୍ତେ ଭିତରକୁ ପାଦ ପକାଇଲା । ଶବ୍ଦ କ୍ରମଶଃ ଅଧିକ ହେଉଥାଏ । ଭିତରକୁ ଯାଉ ଯାଉ ଅଟକି ଗଲା ସମାରୁ ଭିତର ଦୃଶ୍ୟ ଦେଖି । ବୈଠକଖାନାର ମଝିରେ ହାତ ଗୋଡ଼ ବନ୍ଧା ଅର୍ଦ୍ଧ ନଗ୍ନ ଝିଅଟିଏ ତଳେ ପଡିଛି , ପାଟିରେ ଠୁସା ହେଇଛି କପଡା । ମଦ ନିଶାରେ ଚୁର କଣ୍ଟ୍ରାକ୍ଟର ର ଦୁଇ ଭଡାଟିଆ ଗୁଣ୍ଡା ସେମାନଙ୍କର ପୁରୁଷ ପଣିଆ ଜାହିର କରିବାକୁ ଲାଗି ପଡିଛନ୍ତି ନିରୀହା ଝିଅ ଟି ଉପରେ ।

ଆରେ ଇଏତ ସମ୍ବାରି !!! କାଲି ୟାକୁ ସହରରେ କାମ କରେଇ ଦେବ ବୋଲି କଣ୍ଟ୍ରାକ୍ଟର ପାଖରେ ଛାଡି ଯାଇଥିଲା ।


    ସମ୍ବାରି ର ନଜର ତା ଉପରେ ପଡିବା ଆଗରୁ ସମାରୁ ବୁଲିପଡ଼ି ଚାଲିଯିବାକୁ ବାହାରିଲା ହେଲେ,  ଆଖି  ସାମ୍ନାରେ  ମରୁଆକୁ ଦେଖି ଭୁତ ଦେଖିଲା ପରି ଚମକି ପଡିଲା । ପାଦ ଦୁଇଟି ଯେପରି ଚଲତଶକ୍ତି ହୀନ ହୋଇ ପଡିଲେ । " ତୋର କଥା ବୁଝୁଛେ ପରେ '" କହି ହିଂସ୍ର ବାଘୁଣୀ ପରି ଭିତରକୁ ଧାଇଁ ଗଲା ମରୁଆ । ଆଖି ପିଛୁଳାକେ ଧରିଥିବା ଠେଙ୍ଗାରେ ପ୍ରହାର କରିଚାଳିଲା ଗୁଣ୍ଡା ଦୁଇ ଜଣଙ୍କୁ । ଅତର୍କିତ ଆକ୍ରମଣ ପାଇଁ ପ୍ରସ୍ତୁତ ନଥିଲେ ସେ ଦୁଇଜଣ । ଅସ୍ତବ୍ୟସ୍ତ ହୋଇ ପଡିଲେ ଦୁହେଁ ।


      ଏଇ ସୁଯୋଗରେ ସମ୍ବାରିକୁ ମୁକୁଳାଇ ନେଲା ମରୁଆ । ହେଲେ ସମ୍ବାରି ବନ୍ଧନମୁକ୍ତ ହେଉହେଉ ମରୁଆ କୁ ଅକ୍ତିଆର କରି ନେଲେ ଦୁହେଁ । ତଳେ ପକାଇ ହାତ ଗୋଡ଼କୁ ମାଡି ବସିଲେ । କିଛି ସମୟ ପ୍ରତିରୋଧ କରୁ କରୁ ମରୁଆର ବଳ ଦୁଇ ଅସୁରଙ୍କ ପାଖରେ କମ ପଡିଲା କି ସେ ଜାଣିଶୁଣି ନିସ୍ତେଜ ହେବାର ଅଭିନୟ କଲା ତାହା ତାକୁ ହିଁ ଜଣା ।


   ସାମାନ୍ୟ ପ୍ରସ୍ତୁତି ନେଇ ହଠାତ ମରୁଆ ସବୁ ବଲ ସଞ୍ଚୟ କରି ପଦାଘାତ କଲା ସାମ୍ନା ଜଣକୁ । ଛିଟକି ପଡିଲା ଗୁଣ୍ଡା ଜଣକ ଖଣ୍ଡେ ଦୂରରେ ।ହାତ ଧରିଥିବା ଜଣକୁ ଆଣ୍ଠୁରେ ଆଘାତ କରି ତଳେ ପକାଇ ଦେଲା ଓ ଲମ୍ଫ ଦେଇ ବସି ପଡ଼ିଲା ତା ଉପରେ । କ୍ଷିପ୍ର ଗତିରେ କଟି ଦେଶରେ ଥିବା କ୍ଷୁଦ୍ର ଛୁରୀକା ବାହାର କରି ସମସ୍ତ ଶକ୍ତି ଖଟାଇ ଆଘାତ କଲା ତାର ପୁରୁଷାଙ୍ଗ ରେ । ଯନ୍ତ୍ରଣା ରେ ଚିତ୍କାର କରି ଉଠିଲା ସେ ଜଣକ । ସଙ୍ଗୀର ଏ ଅବସ୍ଥା ଦେଖି ଆର ଜଣକ  ପଳାୟନ କଲାବେଳକୁ ଗୋଡ଼କୁ ମାଡି ବସିଲା ସମ୍ବାରି । ଏଥର ମରୁଆର ଦ୍ୱିତୀୟ ଶିକାର ସେ । 


    ଭୟଭୀତ ହୋଇ ପଡ଼ିଥିଲା ସମାରୁ ମରୁଆର ଉଗ୍ର ରୂପ ଦେଖି । ତେବେ ବୁଧନାର ଚରମ ପରିଣତି ମରୁଆ କୃତ ............। ରହସ୍ୟଜନକ ଭାବେ ପୁରୁଷାଙ୍ଗ ନଥିଲା ଶବରେ । ସମାରୁ ନିଷ୍କ୍ରିୟ ହୋଇ ପଡୁଥଲ ମରୁଆ ଜ୍ୱଳନ୍ତ ଆଖିର ଶିଖାରେ ।ତାକୁ ଲାଗିଲା ପୀଡିତା ସବୁ ଝିଅଙ୍କ ର ଅପମାନ , ଯାତନା ,ଘୃଣା ସବୁକିଛି ଉକୁଟି ଉଠୁଛି ସେଇ ଯୋଡିଏ ଚକ୍ଷୁରେ । ସାରା ବସ୍ତିର ଝିଅ ଯେମିତି ପ୍ରତିବାଦ , ବିଦ୍ରୋହ କରୁଛନ୍ତି ମରୁଆ ମାଧ୍ୟମରେ । ନିଜକୁ ସୁରକ୍ଷିତ ରଖିବାର ସାହସ ଓ କୌଶଳ ଶିଖିଯାଇଛନ୍ତି । ଉପହାସ କରୁଛନ୍ତି ସମଗ୍ର ପୁରୁଷ ଜାତିକୁ । 


     ଘୃଣା ରେ ଦୁଇ ଗୁଣ୍ଡାଙ୍କ ଉପରେ ଲଣ୍ଡାଏ ଛେପ ପକାଇଲା ମରୁଆ ।ସମ୍ବାରୀକୁ ନେଇ ଯାଉ ଯାଉ ଅଟକି ଗଲା ସମାରୁ ପାଖରେ । କହିଲା ," କହିଦେମୁ ତୋର କାନ୍ତରାଟି ବାବୁକେ । ଇ ଜଙ୍ଗଲ ନେ ବା-ଘୁ-ନି ମାତିଛେ । ହୁସିଆର ଥିମ " । 


  କମରରେ ଛୁରୀଟିକୁ ଖୋସିଲା ବେଳେ ଅମାବାସ୍ୟା ର ଘନ ଅନ୍ଧକାର ଭେଦ କରି ଏକ ଉଜ୍ଜ୍ୱଳ ଆଲୋକ ରଖ ଝଟକି ଉଠିଲା ।



Rate this content
Log in

More oriya story from Rasmita Dixit

Similar oriya story from Drama