ଯତ୍ନ କଲେ ରତ୍ନ ମିଳେ
ଯତ୍ନ କଲେ ରତ୍ନ ମିଳେ
ବାରି ଘର ଗଛ ପତର ଯତନ
ନିଏ ଯଦି ପରା କେହି
ଫୁଲ ଫଳ ହୁଏ ବଜାରରୁ କିଛି
କିଣିବାକୁ ପଡ଼େ ନାହିଁ ।
ପିଲାଙ୍କ ଯତନ ପିତାମାତା ଦୁହେଁ
କର ଯଦି ମିଳିମିଶି
ପିଲା ବଡ଼ ହୋଇ ଭଲ କାମ କରେ
ଝୁରେ ଦିନେ ବିଶ୍ଵବାସୀ ।
ଚିକିତ୍ସକ ଯଦି ଯତ୍ନର ସହିତ
ରୋଗୀଙ୍କ ଚିକିତ୍ସା କରେ
ପ୍ରଭୁ କୃପା ବାରି ପଡ଼େ ନିତି ଝରି
ରୁହନ୍ତି ସେ ହୃଦୟରେ ।
ଯତ୍ନ ସହକାରେ ଶିକ୍ଷକ ଶ୍ରେଣୀରେ
ପିଲାଙ୍କୁ ସେ ପଢ଼ାଇଲେ
ଗୁରୁଙ୍କୁ ମାନନ୍ତି ଆଗ୍ରହର ସହ
ପାଠ ପଢ଼ିଥା'ନ୍ତି ପିଲେ ।
ଗାଡ଼ିମଟର ଓ ଅବା ସାଇକେଲ୍
ଯତ୍ନ ନିତ୍ୟ ନେଲେ ଭାଇ
ଭଲ ଗଡ଼ିଥାଏ କାମ ମାଗେ ନାହିଁ
ହୁଏ ସିଏ ଦୀର୍ଘସ୍ଥାୟୀ ।
ଶରୀର ଯତନ ନେଇଥାଏ ଯିଏ
ରୋଗ ପାଖେ ପଶେ ନାହିଁ
ସୁସ୍ଥ ଶରୀରରେ ସୁସ୍ଥ ମନ ସୃଷ୍ଟି
ମନୋବିଜ୍ଞାନୀ କହଇ ।
ଗୃହ ସରଞ୍ଜାମ ଯତ୍ନରେ ରଖିଲେ
ଖୋଜିଲେ ସହଜେ ମିଳେ
ସୁନ୍ଦର ଦିଶଇ ଘରଟି ସର୍ବଦା
ଜିନିଷ ସଜ୍ଜିତ ଥିଲେ ।
ଯତ୍ନର ସହିତ ରୋଷେଇ କରିଲେ
ପାଟିକୁ ଲାଗଇ ଭଲ
ସବୁ କାର୍ଯ୍ୟ ଯଦି ଯତ୍ନ ସହ କରୁ
ରତ୍ନ ତୁଲ୍ୟ ମିଳେ ଫଳ ।