Library
ଉଠା ଦୋକାନୀର ଦୁଖଃ
ଉଠା ଦୋକାନୀର ଦୁଖଃ
ଜମି ଆସୁଥିଲା ଦଶହରା ବଜାର
ଜମି ଆସୁଥିଲା ଭିଡ
ସବୁ ହସଖୁସି ଉଜାଡି ଦେଲାରେ
ଫାଇଲିନ୍ ବର୍ଷା ଝଡ
ମେଳା ବସିଥିଲା ମଣ୍ଡପ ପାଖରେ
ଜମୁଥିଲା କିଣାବିକା
ପବନ ବର୍ଷା ରେ ରଙ୍ଗ ଧୋଇଗଲା
ସବୁ ହୋଇଗଲା ଫିକା
ମୀନା ବଜାରର ଶିରି ତୁଟିଗଲା
ଦୋଳି ସବୁଗଲା ଛିଡି
ଉଠା ଦୋକାନୀଙ୍କ ବେପାର ବୁଡିଲା
ଦୋକାନ ଗଲାରେ ଉଡି
ଚାଟ୍ ଗୁପୁଚୁପୁ ଡାଲା ଉଡିଗଲା
ଦହିବରା ହେଲା ଖଟା
ଫାଷ୍ଟଫୁଡ୍ ବାଲା କଲବଲ ହେଲେ
ବାସି ହେଲା ପୂଜା ମିଠା
ବୁଢା ଦୋକାନୀଟା କାନ୍ଦୁଥିଲା ବସି
ଆଖିରେ ଆଖିଏ ଲୁହ
ଭାତହାଣ୍ଡିକୁତା ଭାଙ୍ଗିଦେଲା ଝଡ
ଅସମ୍ଭାଳ ତାର କୋହ
ବରଷଟା ସାରା ଏ ଯାତ୍ରା ସେ ଯାତ୍ରା
ରାଇଜ ରାଇଜ ବୁଲି
କରେସେ ବେପାର ଚଳେ ତା ସ°ସାର
ଝଡ କଲା କିଲିବିଲି
ଦୁଃଖ ବୁଝିବାକୁ ତା ମନ ଦରଜ
ମାଆଙ୍କୁ ଜଣାଏ ଆସି
ଜଗତ ଜନନୀ ନିଜେ ଅସହାୟ
ଭଙ୍ଗା ମଣ୍ଡପରେ ବସି ।
