ତୁଷାର
ତୁଷାର
ଅଟେ ଏହା ବାସ୍ତବ ନା ଦେଖଇ ମୁଁ ସପନ
ଅବର୍ଣ୍ଣନୀୟ ଦୃଶ୍ୟ ନୁହେଁ ଶଦ୍ଦେ ଆକଳନ ।
ଚତୁଃର୍ଦିଗ ଦିଶୁଛି ଧବଳ ଶ୍ଵେତ ବର୍ଣ୍ଣ
ଘରଦ୍ଵାର ଗଛପତ୍ର ସବୁ ତୁଷାରରେ ପୂର୍ଣ୍ଣ ।
ଉଚ୍ଚ ଉଚ୍ଚ ଗିରି ଶୃଙ୍ଗ ଦିଶେ ଧବ ଫରଫର
ବରଷୁଛି ଦିବାରାତ୍ରୀ ସର୍ବଦା ତୁଷାର ।
ଜୁଆଡେ ନଜର ଯାଏ ସଫେଦ ଦିଶୁଛି
ପ୍ରକୃତି ଏଠାରେ ଧଳା ଚାଦର ଘୋଡିଛି ।
ପିଇବାକୁ ଜଳ ନାହିଁ ଶସ୍ୟ ହେବ କାହୁଁ
କେମିତି ବଞ୍ଚିବେ ଜୀବ ସାଧନ ବିନା ତହୁଁ ?
ସୂରୁଜ ପ୍ରକାଶରେ ଉତ୍ତାପ ଜମା ନାହିଁ
ଶୀତଳ ପବନ ଦେହକୁ ଦେଉଛି ଜମାଇ ।
ମଜା ନବାକୁ ଭିଡ଼ ଜମାଉଛନ୍ତି ପର୍ଯ୍ୟଟକ
ସବୁ ଶ୍ଵେତ ଦେଖି କହନ୍ତି ଏହା କେଉଁ ଲୋକ ?