ଶୀତର ପହିଲି ସ୍ପର୍ଶ

କାର୍ତ୍ତିକେ ମୃଦୁ ଶୀତ ଆଗମନ

ତା' ସ୍ପର୍ଶେ ଥରଥର ହୁଏ ଏ ତନ

ଉଷ୍ମତା ଟିକେ ପାଇବା ପାଇଁ

ଚାହିଁ ଥାଏ ବାର ବାର ଏ ମନ ।

ବିଛଣା ଛାଡ଼ିବା କୁ ଲାଗେ କାତର

ରେଜେଇ କମ୍ବଳ ଲାଗଇ ପ୍ରିୟ

ଶେଯ ତ୍ୟାଗ କରି ଉଠିବା ମାତ୍ରେ

ମନ ଖୋଜଇ ଉଷ୍ଣ ପାନୀୟ ।

ପାଣିକୁ ଦେଖିଲେ ଲାଗଇ ଡର

ଗାଧୋଇବା ନାମେ ଆସଇ ଜ୍ୱର

ଦିନରେ କାଲୁଆ ପବନ ବୋହି

ଶରୀରକୁ ଦିଅଇ ଶୀତ ପ୍ରହାର ।

ଡେରିରେ ପ୍ରକଟ ହୁଅନ୍ତି ସୂର୍ଯ୍ୟ

ଘୋଡ଼ିଥାନ୍ତି ସେ କୁହୁଡିର ଚାଦର

ଶୀଘ୍ର ବାହୁଡନ୍ତି ଡେରିରେ ଆସି

ସନ୍ଧ୍ୟା ହଉଣୁ ମାଡ଼ି ଆସେ ଅନ୍ଧାର ।