ଦେବ ଦୀପାବଳୀ

      

    ଆଲୋକର ପର୍ବ       ଦୀପାବଳି ଆମ

              ହିନ୍ଦୁଙ୍କ ପବିତ୍ର ଦିନ

    ପ୍ରଭୁ ରାମଚନ୍ଦ୍ର          ସାରି ବନବାସ

            ଫେରି ଅଯୋଧ୍ୟା ଭୁବନ ।

    ରାବଣ ମରଣ            ଲଙ୍କାର ଦହନ

               ସୀତା ଉଦ୍ଧାରଣ ସାରି

    ନଗର ଜନତା          ଆନନ୍ଦ ବାରତା

                 ବାଣ ପଟୁଆର ଧରି ।

   ପ୍ରଭୁଙ୍କୁ ସ୍ଵାଗତ            ପ୍ରଫୁଲ୍ଲିତ ଚିତ୍ତ

                  ହୁଳହୁଳି ବନ୍ଦାପନ

   ରାଜ ଅଭିଷେକ          ନିମନ୍ତେ ଜନତା

               ଅର୍ଘ୍ୟଥାଳି ଶୁଭ ଗାନ ।

   ଫସଲ ଅମଳ          ଆରମ୍ଭ    ଏ ଦିନ 

             ଲକ୍ଷ୍ମୀ ପୂଜା ଆରାଧନା

   କାଳୀ ମାତାଙ୍କର          ଦୁଷ୍ଟ ସଂହାରଣ

          ମୋଦେହୋଇ କ୍ରୋଧମନା ।

  ଅନ୍ଧାର ଉପରେ          ଆଲୋକର ଜୟ

             ଶୁଭ ଦୀପାବଳୀ ଦିନ

  ଘରେ ଘରେ ବାଣ          ମିଷ୍ଟାନ୍ନ ରନ୍ଧନ

              ଆନନ୍ଦ ବାଳୁତ ଗଣ ।

   ଅନ୍ଧାରରେ ଆସି         ଉଜ୍ଜ୍ୱଳ ରେ ଯାଓ

               ପୁରୁଷେ ଶ୍ରଦ୍ଧା ସୁମନ

   ବରଷ କୁ ଥରେ            କରିବା ଅର୍ପଣ

               ଶୁଦ୍ଧଚିତ୍ତ ହୋଇ ମନ ।

 ବଡ଼ ବଡୁଆଙ୍କୁ          ଆଲୋକ ମାର୍ଗରେ

              ଶ୍ରଦ୍ଧାରେ ବିଦାୟ ଦେଇ

  ସୁଖରେ ବରଷ             ମନରେ ହରଷ

              ପିତୃ ଆଶୀର୍ବାଦ ନେଇ ।

  ଅଜ୍ଞାନ ନାଶନ              ଜ୍ଞାନ ଆହରଣ

             ଆଜିର ବାରତା ହେଉ

  କଳୁଷିତ ମନେ              ପୁରୁ ଦିବ୍ୟଜ୍ଞାନ

             ବିଭୁ ନାମ ଗାଈ ଯାଉ ।

  ଜାତି ଧର୍ମ ବର୍ଣ୍ଣ              ଭାବନା ହୃଦୟୁ

                ହରି ନିଅ ହରିହର

  ଅଜ୍ଞାନୀ ଜନଙ୍କୁ              ଉଦ୍ଧାରଣ କର

             ଉଶ୍ୱାସି ଅବନୀ ଭାର ।

  ହିଂସା ଦ୍ୱେଷ ଭାବ          ମାନବ ମନରୁ

              ନିବାରଣ ହୋଇଯାଉ

   ଶୁଭ ଦୀପାବଳୀ       ଆଲୋକିତ ହେଉ

             ପ୍ରେମ ଭାବ ସୃଷ୍ଟି ହେଉ ।।