ଥରେ ଚେଷ୍ଟା କରନ୍ତୁ

ବଂଧୁ! ଆକାଶରେ ଭାସି ଯାଉଥିବା ବାଦଲ ମାନେ

ନିଜ ନିଜ ଭିତରେ ହେଉଥିବା କଥାକୁ କେବେ ଶୁଣିଛନ୍ତି କି ?

ଗଗନରେ ଛାଇ ହୋଇ ରହିଥିବା ତାରା ପୁଞ୍ଜ ମାନଙ୍କର

ମିଳିତ ନୃତ୍ୟ କେବେ ଦେଖି ପାରିଛନ୍ତି କି ?

ଚନ୍ଦ୍ରର ଶୀତଳ ତାପରେ ପ୍ରେମର ଶୀହରଣ

ସମଗ୍ର ଶରୀର ଭିତରେ କେବେ ଅନୁଭବ କରିଛନ୍ତି କି ?

ତଡିତ୍ ପ୍ରଭାର ଚମକ୍ ଭିତରେ ନିଜର ପ୍ରିୟ ଇପ୍ସିତର ମୁଖ

କେବେ ଦର୍ଶନ କରିଛନ୍ତି କି ?

ରିମ୍ ଝିମ୍ ବର୍ଷାର ରାତିରେ ସୋହାଗର 

ସ୍ବପ୍ନ ବୁଣି ଆବଷ୍ଟନୀ ରେ ପ୍ରିତି କୁଞ୍ଜ କେବେ ତୋଳି ଧରିଛନ୍ତି କି ?

ମୃଦୁ ମୃଦୁ ସମୀରଣ ମାନଙ୍କର ବାଦ୍ୟରେ ମତୁଆଲା ହୋଇ

କେବେ ଅନ୍ୟମନସ୍କ ହୋଇଛନ୍ତି କି ?

ଫୁଲର ଦୋଳାୟିତ ଭଙ୍ଗୀରେ ନିଜ ଜୀବନ ପ୍ରତି

ଆକର୍ଷଣ କେବେ ଅନୁଭବ କରିଛନ୍ତି କି ?

କୋଇଲିର କୁହୁ କୁହୁ ନାଦରେ ହୃଦୟର ଧଡକନ ଦୃତ

ହେବାର କେବେ ଅନୁଭବ କରିଛନ୍ତି କି ?

ସୂର୍ଯ୍ୟଙ୍କର ପ୍ରଖର ରଶ୍ମୀ ରେ ନିଜର କ୍ରୋଧକୁ ଜଳାଇ

ଦେଇ ମନରେ ଶାନ୍ତି ର ଅମୃତ ଧାରା

କେବେ ବୁହାଇ ଦେଇଛନ୍ତି କି ?

କଅଁଳା ଶିଶୁର ଚାହାଣି ଓ ହସ,କାନ୍ଦ ଭିତରେ

ଧ୍ୟାନ ମଗ୍ନ ଧୃବ ତାରାର ଏକନିଷ୍ଠ ଭକ୍ତିକୁ

କେବେ ଲକ୍ଷ କରିଛନ୍ତି କି ?

ଏଇଠି ତ ନିହିତ ଜୀବନ ର ସବୁ ରହସ୍ୟ

ବଂଧୁ ! ଥରେ ଚେଷ୍ଟା କରନ୍ତୁ।