ତୁମେ ସାବିତ୍ରୀ ସାବିତ୍ରୀ ବାସୁଛ

ବରିଅଛ ପତିବ୍ରତ ସହଧର୍ମୀ ଗୃହଲକ୍ଷ୍ମୀ

ପ୍ରୀତିମୟୀ ମନ୍ଦାକିନୀ ମମତାର ସ୍ରୋତ

ଧରମକୁ ରଖି ସାକ୍ଷୀ ସିନ୍ଦୂର କପାଳେ ମାଖି

ତପାଚରି ସୂରୁଜଙ୍କୁ କରୁଅଛ ପ୍ରୀତ ।

ନିର୍ଝରି ଅମୃତ ପ୍ରେମ କୁଳୁକୁଳୁ ନିନାଦରେ

ହସାଉଛ ଦୁଇ କୂଳ ପତ୍ନୀ ଗୋ ଭାବିନୀ

ହେଉଅଛି ତୁମ ପାଇଁ ଜୀବନର ନବନ୍ମେଷ 

ସୁୁଖସ୍ବପ୍ନ ଆଶା ତୁମେ ବାମା ସୀମନ୍ତିନୀ ।

ସହି ଦୁର୍ବିସହ କଷ୍ଟ ଜୀବନ କର ସାର୍ଥକ 

ସାହଚର୍ଯ୍ଯ ଦେଇ କର ପଥ କୁସୁମିତ

ଧରିଥିଲେ ତୁମ ହସ୍ତ ଶମନ ବି ପରାହତ

ଜୀବନର ଜୟଗୀତି ଗାଆନ୍ତି କୃତାନ୍ତ ।

ବଧୁ ହୁଅ ବେଶଭୂଷା ଆଜି ପୁଣ୍ଯ ଅମାବାସ୍ୟା

ବାସିଉଠ ପ୍ରିୟତମା ସାବିତ୍ରୀ ସାବିତ୍ରୀ

ବରଷୁ ପୀୟୂଷ ଧାରା ତଟିନୀ ସ୍ବଚ୍ଛ ସଲୀଳା

ଉଲ୍ଲସୁ ଜୀବନ ପ୍ରାଣ ଏତିକି ମିନତୀ ।।