ତୁମେ ଗଲା ପରେ
ତୁମେ ଗଲା ପରେ
ଛାଡି ଚାଲିଗଲ , ତୁମେ ଯେବେ ଠାରୁ,
କେବେ ନିଦ ନାହିଁ , କେବେ ରାତି ନାହିଁ।
ଝରକା ଫାଂକରୁ , ସକାଳ କହୁଛି ,
ମଲା ନିଦ ପାଇଁ , ଏବେ ରାତି ନାହିଁ।।
ଶୋଇଥିଲି ଯେବେ,ତକିଆ ଆବୋରି
କୁଞ୍ଚା ଚାଦର ବି , ଘୁଞ୍ଚି ଆସୁଥିଲା ,
ଲୁହକୁ ଆଉଁସି , କୋହ କୁ ସାଉଁଟି ,
କହୁଥିଲା ନାହିଁ , ଏବେ ସାଥି ନାହିଁ।।
ଭାଜିଲା ସପନ , ଭିଜିଲା ଫଗୁଣ ,
କିଏ ଚୂନା ଚୂନା , କିଏ ଫିକା ଫିକା।
ଅଳ୍ପ ଜୋଛନା କୁ , ଝୁରି ମରେ ମୁଁ ଯେ ,
କେବେ ଚାନ୍ଦ ନାହିଁ , କେବେ ରାତି ନାହିଁ।।
ନିଜେ ନିଜକୁ ଦେଖୁଛି , ଛୁଇଁ ଛୁଇଁ,
କିଛି ସ୍ପନ୍ଦନ ଛାତିରେ , ବାକି ଅଛି।
ହୃଦୟର ଗତି , ବଢ଼ି ଯାଏ ହେଲେ,
କେବେ ତାତି ନାହିଁ , କେବେ ସାଥି ନାହିଁ।।
ଦୂର ଦିଗନ୍ତ ର, କୃର ଦୂରତା କୁ ,
ଅତୃପ୍ତ ଆଖି ମୋ , ମାପି ସାରିଲାଣି।
ହଜା ସପନ କୁ , ଭିଜା ନୟନ କୁ,
କେବେ ସାଥି ନାହିଁ , କେବେ ରାତି ନାହିଁ।।