ତୁମ ବାନା ଉଡ଼ୁ ଥାଉ

ତୁମ ମନ୍ଦିରେ ଡୋରି ଲାଗି ଥାଉ

ତୁମ ଭକ୍ତ ସାଥେ ଭେଟ ହେଉ

ଭକ୍ତ ପାଇଁ ପ୍ରଭୁ ତୁମ ଅବତାର

ତୁମେ ହିଁ ଭକ୍ତର ଭକ୍ତ ଯେ ତୁମର

ଭକ୍ତ ଙ୍କ ପାଇଁ ତୁମ ଲୀଳା ହେଉ

ତୁମ ମନ୍ଦିରେ ଡୋରି .....

ଭକ୍ତ ସିନା ଜଣେ ତୁମରି ଭାବକୁ

ଟାଣି ନିଅ ମନ ତୁମ ନିକଟକୁ

ଭକ୍ତ ଯୁଗେ ଯୁଗେ ଖୋଜେ ତୁମକୁ

ଜନ୍ମ ନିଏ ତୁମ  ସେବା କରିବାକୁ

ଭକ୍ତ ତୁମ ରୂପ ଦେଖୁ ଥାଉ

ତୁମରି କରୁଣା ଝରୁ ଥାଉ

ତୁମ ମନ୍ଦିରେ ଡୋରି ..

ପୂଜା ଉପାସନା କିଛି ଜଣା ନାହିଁ

ପ୍ରେମ ଭକତିରେ ଯାଏ ବାନ୍ଧି ହୋଇ     

ଧନ ସମ୍ପତ୍ତି ମୋ କିଛି ପାଖେ ନାହିଁ

ହୃଦୟ କନ୍ଦରେ ବସାଇବି ନେଇ

ତୁମ ପାଖେ ଭକ୍ତ ଯାଉ ଥାଉ

ତୁମ ନାମ ଗାଇ ଦିନ ଯାଉ

ତୁମ ମନ୍ଦିରେ ଡୋରି....।।