ତାରା ଭରା ରାତି

ତାରାଭାରା ରାତି ଜହ୍ନର ଜୋଛନା

      ନିଶୁନ ପହର ଶବ୍ଦ

ଭାବନାରେ କେତେ ଖୋରାକ ଯୋଗାଏଁ 

      ଅସୁର ପ୍ରକୃତି ରଦ।

ନୀରବରେ ବହେ ଜୀବନର ଗତି

      ଯାଏ ଆଗକୁ ଆଗକୁ

ଆଜି ଅବା କାଲି ଭେଟିବ ନିଶ୍ଚୟ

      ମରଣର ସୀମା ଟିକୁ।

ଗୋଟିଏ ଜନମ ସରିଗଲା ପରେ

      ଏହି ଜନ୍ମ ଆସିବକି

ଯାହାକୁ ପଚାର ଭାବନାରେ ବୁଡି

       କେହି ଜଣେ କହିବକି।

କହିବା ବାଲା ତ କାଳିଆ ଠାକୁର

       ଗଢ଼ିଛନ୍ତି ଏହି ମହୀ

ରଖି ପାରେ ସିଏ ମାରି ପାରେ ସିଏ

       ତାଙ୍କ ତୁଲ୍ୟ କେହି ନାହିଁ।

ଶ୍ରୀ ଜଗନ୍ନାଥ ଙ୍କୁ ପ୍ରାର୍ଥନା କରିବା

       ଜଗତ ଉଦ୍ଧାର ପାଇଁ

ତାଙ୍କ ସୃଷ୍ଟି ପାଇଁ ସେବା ଦେଇ ଦେଇ

       ବନ୍ଦିବା କଳା ଗୋସାଇଁ।