ସୁନୀଳ ଶରତ ତୋଷୁଛି ଚିତ୍ତ

ଶାଗୁଆ ଚାଦର ଆଚ୍ଛାଦି ଶରୀର

ଧରିତ୍ରୀ ମାଆର ସୌନ୍ଦର୍ଯ୍ୟ ମଧୁର ll

 ଶରତେ ଆସିବ ଭାଦ୍ରବ ଆଶ୍ୱିନ 

ନିର୍ମଳ ଶୋଭାକୁ କରିବ ଦର୍ଶନ ll

ଅମ୍ବରେ ଭାସିବ ଅନେକ ବାଦଲ

ବର୍ଷlରେ ଖରାରେ ମନଯେ ପ୍ରଫୁଲ୍ଲ ll

ଉଷ୍ମରେ ବର୍ଷାରେ ଆସଇ ଶରତ

ସଭିଙ୍କ ମନରେ ସନ୍ତୋଷ ଜାଗ୍ରତ ll

କୃଷକ ଦେଖିକି ସୁନାର ଫସଲ

ଚିନ୍ତନ କରଇ ପାଇଁକି ଅମଳ ll

ପ୍ରକୃତି ସମ୍ଭାରେ କୁସୁମ ଧବଳେ

କାଶତଣ୍ଡୀ ଫୁଲେ ଚାମର ଦୋହଲେ ll

ଶୀତଳ ପବନ ବହଇ ମହୀରେ

ଅମ୍ବିକା ସ୍ଵାଗତେ ପ୍ରସ୍ତୁତି ମର୍ତ୍ତ୍ୟରେ ll

ଭାଦ୍ରବ ଚତୁର୍ଥୀ ଗଣେଶ ବନ୍ଦନ

ଶ୍ରୀକୃଷ୍ଣ ଜନମ ଦେବକୀ ନନ୍ଦନ ll

ଆଶ୍ୱିନ ମାସରେ ପରବ ପାର୍ବଣ

ଅପର ପକ୍ଷରେ ଶ୍ରାଦ୍ଧକୁ ଦେଇଣ ll

ଜୀବନ ଜଗତ ଆନନ୍ଦ ବିଭୋର 

ଦେଖିକି ସୁନ୍ଦର ପ୍ରକୃତି ମାତାର ll

ପଶ୍ଚିମ ଆକାଶେ ଅନ୍ତିମ କିରଣ

ଶାଗୁଆ ନଭରେ ଟିକିଲି ଆଙ୍କିଣ ll

ଉଜ୍ଜ୍ୱଳ ଗଗନେ ରଙ୍ଗୀନ ନୀରଦ

ତୋଷୁଛି ଚିତ୍ତ ଯେ ସୁନୀଳ ଶରତ ll