ପିମ୍ପୁଡି ରାଜା

ଦେଖୁଛି ସ୍ବପ୍ନ ମୁଁ,     ବସିହୁଙ୍କା ତଳେ,

       କ୍ଷୁଦ୍ର ଜୀବ ମୁଁ ପିମ୍ପୁଡି:

ପରିଶ୍ରମୀ ମୁହିଁ       ଏହି ଦୁନିଆରେ,

      ଯାଏ ବାନ୍ଧି ହୋଇ ଧାଡି::

ଭଗବାନ ପରି      ମାନି ନେଇ ଅଛି,

      ଉଦ୍ଭିଦର ବୀଜ ରାଶି:

ସୃଷ୍ଟିକର୍ତ୍ତା ମୋର      ମାନବ ଜଗତ,

      ଉତ୍ପାଦେ ସଶ୍ୟକୁ ହସି::

ଜତନେ ଅମାରେ,     ସାଇତି ରଖୁଛି,

      ବରଷକେ ପାଇଁ ଖାନା:

ଆମେ ଯେ ପିମ୍ପୁଡି,   ହୋଇ ଭିଡ଼ାଭିଡି,

      ବୋହିଆଣୁ ଶଶ୍ୟ ଦାନା::

ରାକ୍ଷଶ ପତଙ୍ଗ,     ଝିଣ୍ଟିକା ଚମ୍ପେଇ,

      ବୃହତ ଆମରି ପାଇଁ,

କ୍ଷୁଦାରେ ତାଙ୍କର,     ଆହାର ପିମ୍ପୁଡି,

      ତାଙ୍କୁ ଦେଖି ଡାକୁ ସ୍ୱାଇଁ::

କ୍ଷୁଦ୍ର ଯିବ ଆମେ     ବଡ଼ ଦୁନିଆରେ,

Advertisement

p>

       କର୍ମଠ ସର୍ବଦା ଆମେ,

ସର୍ବ ତରୁଲତା      ପ୍ରାଣୀ ଠୁଁ ବିହଙ୍ଗ,

       କାହିଁକି ବୃହତ ତୁମେ,

ନୀରବତା ରଖୁ,     ଧାଡି ବାନ୍ଧି ଯାଉ,

       ପରିଶ୍ରମ କରୁ ସଦା:

କ୍ଷୁଦ୍ର ବାଲି ମଧ୍ୟ,     ଲାଗଇ ବୃହତ,

     ଘର କରେ ଖୋଜି ବୁଦା::

ଝଡପବନ ରେ      ସୁରକ୍ଷିତ ରୁହେ,

      ମାଟି ତଳେ ଗୃହେ ମୋର:

ଚାହେଁନି ହେବାକୁ,    ବୃହତ ଜଗତେ,

      କରେ ନିଜସ୍ବକୁ ଆଦର::

ମୁହିଁ ରାଜା ଅଟେ,   ମୋ ନିଜ କର୍ମରେ,

      ପରିଶ୍ରମେ କରେ ସଞ୍ଚୟ:

ସଞ୍ଚୟ କରହେ,      ମାନବ ସମାଜ,

       ସଞ୍ଚୟରୁ ହୁଏ ଜୟ::

^^^^^^^^^^^^^^^^^^^^^^^^^^^^^^^

*********(ମହେଶ୍ୱର)*********

    ଗୋପୀବିନ୍ଧା, ବ୍ରାହ୍ମଣ ଗାଁ,

ବାଲେଶ୍ୱର, (ଭଦ୍ରକ)