ଗୁରୁଦିବସ

ହେ ଗୁରୁ ମୋର ଅତି ଆପଣାର 

 ମୋ ହୃଦ ଜ୍ୟୋତି ଓ ମୋତି ।

କି ଦେଇ ବନ୍ଦିବି ତବ ଚରଣରେ

  ମୁହିଁ ଯେ ତୁଚ୍ଛ ମୂରତି ।।

ତୁମେ ପରଂବ୍ରହ୍ମ ତୁମେ ଯେ ଈଶ୍ୱର 

 ତୁମେ ଅଟ ଅନ୍ତର୍ଯ୍ୟାମୀ ।

ଅନ୍ଧାର ପଥରୁ ଆଲୋକ ପଥରେ 

 କଡ଼ାଇ ନିଅ ଗୋ ସ୍ୱାମୀ ।।

ସତ୍ୟ ନ୍ୟାୟ ଧର୍ମ ଶିଖାଇଛ ମୋତେ 

  ରଖି ହୃଦେ କଠୋରତା ।

ତୁମ ଶିଷ୍ଟାଚାର  କ୍ଷମା ଓ କର୍ତ୍ତବ୍ୟ 

 ପ୍ରତି କ୍ଷଣେ ନୈତିକତା ।।

ଆଜିର ଦିବସେ ଶ୍ରେଷ୍ଠ ଗୁରୁ ରୂପେ 

 ସର୍ବପଲ୍ଲୀ ରାଧାକ୍ରିଷ୍ଣନ ।

କୋଟି ଛାତ୍ର ମନେ ତାଙ୍କ ଜନ୍ମ ଦିନ 

  ଗୁରୁଦିବସ ପାଳନ ।।

ପିତା ମାତା ଗୁରୁ ସାଥେ ଗୁରୁଜନ 

  ସଭିଏଁ ଆମର ଗୁରୁ ।

ବନ୍ଦନା କରିବା  ସ୍ମରଣ କରିବା 

  ଆଶୀର୍ବାଦ ଚରଣରୁ ।।

ହେ ଗୁରୁ ତୁମେ ଦିଅ ହେ ଆଶିଷ 

 ସତ୍ୟ ପଥେ ଥାଏ ନୀତି ।

ମୋ ହୃଦ ଆରତୀ ତୁମ ପାଇଁ ଦେଵ 

 ଘେନ ମୋ ଶତ ପ୍ରଣତି ।।