ଅବୁଝା ହୁଅନା ମୋ ସୁନା ଧନ

ଅବୁଝା ହୁଅନା ମୋ ଧନ ସୁନା

ମୋବାଇଲି ତୋତେ କରୁନି ମନା ll

ଡେଇଁବା ଖେଳିବା ବୟସ ତୋର

ଅଳସୁଆ ଠାରୁ ହୋଇବୁ ଦୂର ll

ପ୍ରଭୂ ଶ୍ରୀକୃଷ୍ଣଯେ ପିଲା ଦିନରେ

ଖେଳୁଥିଲେ ଧୂଳି ପରା ଦାଣ୍ଡରେ ll

ଜହ୍ନ ମାମୁଁ ଦେଖି ପିଲା ହସନ୍ତି 

ଅଜା ଆଈ ଗପ ନିତି ଶୁଣନ୍ତି ll

ସାଙ୍ଗ ସାଥି ମେଳେ ଥଟ୍ଟା ମଜାରେ

ଶିଶୁ କାଟେ ଦିନ ଖୁସି ମନରେ ll

ପିଲା ବୟସରେ ଡିଆଁ ଡ଼ିଇଁରେ

ହାଡ଼ ମଜଭୂତ ହୋଇଥାଏରେ ll

ଖାଲି ମୋବାଇଲ ଦେଖିଲେ ରହି 

ଆଖି ଦେବ କଷ୍ଟ ଜାଣିଥା ତୁହି ll

ନିଃସଙ୍ଗ ଜୀବନେ ନ ଥାଏ ଖୁସି

ତୁନି ହୋଇ ଯାଆ ଖେଳିବୁ ହସି ll

କହୁଛି ଜାଣିଥା ହୃଦ ରତନ

ଆଉ ପାଇବୁନି ତୋ ପିଲାଦିନ ll

ନାନା ଖେଳଣା ମୁଁ ଆଣିକି ଦେବି

ମନକୁ ତୋହର ଖୁସି କରିବି ll