ଚାନ୍ଦ ନା ତୁମେ ତାରା

ଚାନ୍ଦ ନା ତୁ ତାରା ଜହ୍ନ ନା ତୁମେ ଯେ ଖରା

ହୃଦୟର ହୀରା ମୋର ପ୍ରୀତିର ପ୍ରସରା ll

ମୋର ପ୍ରେମ ବଗିଚାର ଗୋଲାପର ଫୁଲ

ପ୍ରସ୍ଫୁଟିତ ହୋଇ ତୁମେ ସତେ ମହକିଲ ll

ଯେଉଁଦିନ ମୋର ତୋତେ ପଡିଲା ନଜର

ଅଜଣା ଶକ୍ତିରେ ମୋତେ ଟାଣିଲା ତତ୍ପର ll

ଅଙ୍କା ବଙ୍କା ଚାଲି ତୋର ମୁରକିର ହସ

ରତି ସର ବଦ୍ଧ କଲା ଉଡ଼ିଗଲା ହୋସ ll

ବିଜ୍ଞାନ ଗଣିତ ମୋର ହୋଇଗଲା ଶେଷ

ସାହିତ୍ୟ ହୋଇଲା ଭଲ କଲମର ଚାଷ ll

ଲେଖିଗଲି କେତେ କଥା ଭାବି ତୁମ ମଥା

ହଜିଗଲା ନିଦ ମୋର ଜାଣିଗଲି ବ୍ୟଥା ll

ଶୟନେ ସପନେ ତୁମ ଚେହେରା ଦେଖଇ

ନ ଦେଖିଲେ ଦିନେ ମୋର ମନ ଯାଏ ମରି ll

ପ୍ରଜାପତି ସାଜି ମୁହିଁ ମହୁ ଯାଏ ପିଇ

ମଉଳି ଯିବନି ଯମା ପଛ ମୋତେ କରି ll

ଯେତେ ଦୂରେ ଥାଅ ପ୍ରିୟ କରିବନି ପର

ଆକାଶରେ ଶଶୀ ଯେହ୍ନେ କଇଁ ସରୋବର ll

ତୁମ ଉପବନେ ମୁହିଁ ମହୁମାଛି ସାଜି 

ଦର୍ଶନ କରିବି ତୁମ ସୌନ୍ଦର୍ଯ୍ୟରେ ମଜି ll

କରିବନି ହତାଦର କରିବ ନିଜର

ଦୁନିଆଁ ଦେଖିବ ଆମ ଶାଶ୍ୱତ ପ୍ରେମର ll

ହେବ ନାହିଁ ଆନମନା ଦୈହିକ ସୁଖର

ମିଳିବନି ଶାନ୍ତି ଯମା ହୋଇ କଳଙ୍କର ll