ଦୁର୍ଗତିନାଶିନୀ ନ ନିଅ ମେଲାଣି
ଦୁର୍ଗତିନାଶିନୀ ନ ନିଅ ମେଲାଣି
ଦୁର୍ଗତି ନାଶିନୀ ଦୈତ ବିନାଶନୀ
କରୁଛୁ ପାଦେ ଗୁହାରି
ନ ନିଅ ମେଲାଣି ପାପ ବଢ଼ିଲାଣି
ମର୍ତ୍ତେ ରୁହ ଦୟାକରି l
କାମନା ରାକ୍ଷସ କରିଅଛି ବାସ
ମନ ବୁଝେ ନାହିଁ ଶାନ୍ତି
ନରର ରକ୍ତରେ ଖେଳୁଛି ରଙ୍ଗରେ
ପ୍ରେମ ଝୁରି ମରେ ପ୍ରୀତି l
ହତ୍ୟା ବଳତ୍କାର ବଢେ ଭ୍ରଷ୍ଟାଚାର
କାୟାକୁ କରି ବିସ୍ତାର
ନାହିଁ ଭାତୃତ୍ୱର ଖାଲି ବେଭିଚାର
ଭୟେ ସର୍ବେ ଥରହର l
ରହି ଦେଖ ମାତା ଶିକ୍ଷିତ ସଭ୍ୟତା
କର୍ମ କେତେ ଅସଭ୍ୟତା
କାନ୍ଦେ ପିତାମାତା ଜରାରେ ପୀଡିତା
ଜରାଶ୍ରମ ଶେଷ କଥା l
ହଜିଛି ସାଧୁତା ସତ୍ୟ ଲାଗେ ପିତା
ଆତୁରେ ଡାକୁଛି ନର
ତୁମରି ସଂସାର ମାତା ରକ୍ଷାକର
ସଂହାରି ଦୁର୍ଗ ଅସୁର l
ଶାନ୍ତି ପ୍ରଦାୟନୀ ଶକ୍ତି ପ୍ରଦାୟନୀ
କରୁଅଛୁ ନିବେଦନ
ଯାଅ ନାହିଁ ଫେରି ମାତା ମାହେଶ୍ୱରୀ
ଲାଘବ କର କଷଣ l