ଜୀବନ ଯାତ୍ରା

ଜୀବନ ଯାତ୍ରାର ବୁଝ ରହସ୍ୟ

ଜନ୍ମରୁ ଆରମ୍ଭ ମୃତ୍ୟୁରେ ଶେଷ |

ଦେହଟି ମୋହର ଅଟଇ ରଥ

ଗଡ଼ି ଗଡ଼ି ଯାଏ ସଂସାର ପଥ |

ରଥେ ରଥୀ ଆତ୍ମା ଶ୍ରୀଜଗନ୍ନାଥ

ଅହଂକାର ଏଥି ସାରଥି ବତ |

ମନ ଅଶ୍ୱ ପାଞ୍ଚ ଟାଣନ୍ତି ରଥ

ବିବେକ ବୁଦ୍ଧି କରେ ନିୟନ୍ତ୍ରିତ |

ଚକ ତ ଇନ୍ଦ୍ରିୟ ପ୍ରକୃତି ଗଣ

ରଥ ଗତି ବଡ଼ ବିଚିତ୍ର ମଣ |

ମୁକତି ଅଟଇ ଲକ୍ଷ୍ୟ ଏହାର

ଲୋଭ ମୋହ ବାଧକତା ତାହାର |

ରଙ୍ଗୀନ ଦୁନିଆ ପ୍ରୀତି ହାଟରେ

ନାରୀ ମାୟାବିନୀ ଚିତ୍ରପଟ୍ଟରେ |

ପୁତ୍ର କଳତ୍ରଙ୍କ ଜଞ୍ଜାଳ ପଙ୍କେ

ବାର ବାର ଏଇ ରଥ ଅଟକେ |

ବିବେକ ବ୍ରେକ ଯେବେ ଛିଡି଼ବ

ଦୁର୍ଘଟଣା ଗ୍ରସ୍ତ ତେବେ ହୋଇବ |

ଧର୍ମ ଏକା ଏହି ରଥର ସାହା

ଜ୍ଞାନ କାରିଗର ହୋଇଛି ଠିଆ |

ଧର୍ମ ଜ୍ଞାନ ବୁଦ୍ଧି ବିବେକ ବଳେ

ପହଞ୍ଚିବ ରଥ ତା ଲକ୍ଷ୍ୟ ସ୍ଥଳେ |

ଯାତ୍ରା ସଫଳ କରିବି ଭାବୁଛି

ସୋ ଅହଂ ତତ୍ତ୍ୱକୁ ମୁଁ ଏବେ ବୁଝୁଛି |