நூலகம்
சுயவிவரம்
ଭଲା ଯାଦୁକର
ଭଲା ଯାଦୁକର
1 min
387
ଭଲା ଯାଦୁକର ଜଣେ ଜଗା କାଳିଆ
ଚଉଦ ଭୁବନେ ନାହିଁ ତାହା ଭଳିଆ |
ହାତ ଗୋଡ଼ ନାହିଁ ବୋଲି ଜାଣେ ଜଗତ
ଘୋଡ଼ା ଚଢ଼ି କାଞ୍ଚି ଯୁଦ୍ଧେ ଗଲା କେମନ୍ତ |
ବଳିଆର ବାଲିରଥେ ହୋଇଲା ଠିଆ
ଯାଦୁକରି ନେଇଗଲା ଦାସ ନଡ଼ିଆ |
ବଳୀ ଯାଗେ ଯାଇଥିଲା ଏଇ କାଳିଆ
ଯାଦୁ ବଳେ ହୋଇଗଲା ତିନିଗୋଡ଼ିଆ |
କୁରୁ ସଭା ତଳେ ରଖେ ପାଞ୍ଚାଳି ମାନ
ହାତ ହେଲା ଲୁଗା କଳ ସାକ୍ଷୀ ପୁରାଣ |
ତା ଯାଦୁରେ ବଶୀଭୂତ ସାରା ଜଗତ
ଚରାଚର ଦେବ ନାଗ ନର ସମସ୍ତ |
ବାୟୁ ବିପରୀତ ଦିଗେ ଉଡ଼େ କେତନ
କେତନ ଛାଇ ତଳକୁ ନୁହେଁ ପତନ |
ପକ୍ଷୀ ନ ଉଡ଼ନ୍ତି କେବେ ଦେଉଳ ପରେ
ବ୍ୟୋମଯାନ ଯାତ୍ରା ନାହିଁ ତଥି ଉପରେ |
ବେଢ଼ାକୁ ଶୁଭଇ ନାହିଁ ସିନ୍ଧୁ ଗର୍ଜନ
ଉପରୁ କୋଡ଼ୁଆ ହୁଏ ପାକ ସାଧନ |
ବ୍ରହ୍ମା ଶିବ ଇନ୍ଦ୍ର ଯାର ନପାନ୍ତି ଅନ୍ତ
ବିଶ୍ୱ ଯାଦୁକର ପାଦେ ଶରଣାଗତ |
