ଆ କା ମା ବୈ

କାର୍ତ୍ତିକ ପୁନେଇରେ, ସଅଳ ସଅଳ

ଯିବାଲୋ ନଇ

ସାଥି ମେଳେ ଆସ ଯିବା,

ବାଲୁକା ପୁଜିବା ଯାଇ

ଆ କା  ମା ବୈ

କହି ଡଙ୍ଗା ଦିଅ ଭସାଇ ।

ବଡ଼ି ଭୋରୁ ନିଦ୍ରାକୁ ଛାଡିବା

ଗଙ୍ଗାଙ୍କ ନାମରେ ସ୍ନାନ ଯେ କରିବା

ହରି ବୋଲ ହୁଳହୁଳି ସଭିଏଁ କରିବା

ପାନ ଗୁଆ କୁ ଡ଼ଙ୍ଗା ରେ ରଖିବା ।

ଆନନ୍ଦ ମନରେ ଦୀପକୁ ଜଳାଇ

ଆ  କା  ମା  ବୈ

କହି ଡ଼ଙ୍ଗା  ଦିଅ. ଭସାଇ ।

ପଞ୍ଚୁକ ବ୍ରତ ର ହୋଇବ ସମପନ

ବଗ ବି ଆମିଷ ନ କଲା ଭକ୍ଷଣ

ହବିସ୍ୟ ଭୁଞ୍ଜି ମାସକ ରହିଲେ

ଆକାଶ ଦୀପ କୁ ସଂଜ ରେ ଜାଳିଲେ ।

ହରି ନାମ କରି ଦାଣ୍ଡେ ଯିବ ଗାଇ

ଆ କା  ମା ‌‌  ବୈ

କହି ଡ଼ଙ୍ଗା ଦିଅ ଭସାଇ ।