ମୁଁ ଯଦି ଚାଲିଯିବି

ଯଦି କାଲି ମୁଁ ଚାଲିଯିବି

ତୁମେ କାନ୍ଦିବ କି ନାହିଁ ଜାଣିନି

ତୁଟିଥିବା ସଂପର୍କର ଭାବନାରେ

ତୁମେ ହସିବ କି ନାହିଁ ଜାଣିନି

ମାନବିକତାର ଦ୍ୱାହିରେ

କିନ୍ତୁ ଜାଣିଛି,

ବଞ୍ଚି ରହିବ ହାଲୁକା ହୋଇ

ରାତ୍ରି ସ୍ୱପ୍ନ ଭାବି

ସ୍ୱପ୍ନର ଯେମିତି ମାନେନାହିଁ

କିଛି କ୍ଷଣ ପାଇଁ ଦେଖିବାକୁ ହୁଏ

ତୁମ ଜୀଇଁବାର କାରଣ ବଢୁଥିବାବେଳେ

ମୋର ବଞ୍ଚିବାର ଆଶା କ୍ଷୀଣ ହେଲାଣି

ତୁମେ ନୂଆ ଭାବନା ଦେଖିଲେ

ମୋର ପୁରୁଣା ଅହଂ ତୁଟିଲାଣି

ତୁମେ କାଞ୍ଚନ ପାଉଛ ସିନା

ମୋର ଦୂର୍ବାଦଳବି ନଷ୍ଟ ହେଲାଣି

ତୁମେ ଭବିଷ୍ୟତକୁ ଦେଖିଲେ

ମୁଁ ବର୍ତ୍ତମାନକୁ ହରେଇଦେଲାଣି

ହାରିବାକୁ ନଚାହିଁ ବି ମୂର୍ଛାପଡିଛି

କିଛି ପାଇବାକୁ କିଛି ହରେଇବାକୁପଡେ

ତୁମ ନୂତନତ୍ୱରେ ମୋର ଅସ୍ଥିତ୍ୱର ବାଜି॥