ସତ୍ୟ କ'ଣ

   ସତ୍ୟ କ'ଣ ଏତେ ନିର୍ଭୀକ

   ସତ୍ୟ କ'ଣ ଏତେ ମହାନ୍

  ବୁଦ୍ଧି ବିବେକ ଜ୍ଞାନ ସଭିଏଁ ସନ୍ଦିହାନ୍

  ସତ୍ୟ କ'ଣ ଏତେ ନୀତି ନିଷ୍ଠ 

     ସତ୍ୟ କ'ଣ ଏତେ ନୀତିବାନ୍ ?

   ପୁଞ୍ଜିବାଦର ପଞ୍ଝା କ'ଣ 

     ଏତେ ଦୁର୍ବଳ ଏତେ ହୀନ

   ସତ୍ୟ ନ୍ୟାୟ ପାଶେ

    ପୁଞ୍ଜିବାଦ ଓ ପୁଞ୍ଜିପତି

    ଏତେ ହୀନିମାନ

    ମଣିଷ ପଣିଆ ଓ ମାନବିକତା

    ପୁଞ୍ଜିବାଦୀ ଙ୍କ ପାଇଁ ଏତେ ମୂଲ୍ୟ ହୀନ

    ସତ୍ୟ କ'ଣ ଏତେ ମହାନ୍ ?

   ସତ୍ୟ କୁହେ ମା ମାଟିର କଥା

    ନ୍ୟାୟ ବୁଝେ ମା ମାଟିର ବ୍ୟଥା

   ଦୁର୍ନୀତି ଭ୍ରଷ୍ଟାଚାରୀଙ୍କ ପାଇଁ 

   ସତ୍ୟ ଅଟେ ମୁଣ୍ଡ ବ୍ୟଥା

   ନୀତି ଆଦର୍ଶ ରେ ସାଲିସ୍ ମାଲିସ୍ କରି

    ନ ପୋତି ଥାଏ ତା'ର ମଥା

    ସତ୍ୟ ନ୍ୟାୟ କୁହନ୍ତି ଦେଶ ମାତୃକାର କଥା

     ଜୀବନ ଜୀବିକା ପାଇଁ 

     ବଳିଦାନ କରେ ତା'ର ମଥା

     ସତ୍ୟ କ'ଣ ନ୍ୟାୟ କ'ଣ

    ବୁଝ ବୁଝ ରେ ହେ ସ୍ଵାର୍ଥୀ ଜନତା ?

   ନୋଟ୍ ବଦଳେ ଭୋଟ୍ ନ ଦିଅ

   ହେ ଶିକ୍ଷିତ, ନ୍ୟାୟୀ ଜ୍ଞାନୀ ଗୁଣୀ ଜନତା

    ଦେଶ ମାତୃକାର ଯେ କରିବ ସେବା

   ଆସ ଆମେ ତାକୁ ଭୋଟ୍ ଦେବା

   ଜନାଦେଶକୁ ସମ୍ମାନ ଦେବା

   ଜନତା ଜନାର୍ଦ୍ଦନ ଙ୍କୁ ସର୍ବେସର୍ବା ବୋଲି

     ଜନମତକୁ ସମ୍ମାନ ଦେଇ

   ଦେଶ ଓ ଜାତିର ନିମ୍ନ ଶ୍ରେଣୀର

      ଲୋକଙ୍କୁ ସମ୍ମାନ ଦେବା l