ଜୀବନର ଦୁଇପଥ
ଜୀବନର ଦୁଇପଥ
ସଂସାରରେ ଯେତେ ଭଲ କାମ କଲେ
ପ୍ରସଂଶା ମିଳଇଜାଣ
ଆଲୋକ ଅନ୍ଧାର ଦୁଇ ଟି ଶବ୍ଦର
ପରଖିବା ତା'ର ଗୁଣ ।
ଆଲୋକ ପଥରେ ଅତିକ୍ରମ କଲେ
ହେବାଆମେ ଦିପ୍ତିମାନ
ଉନ୍ନତ ଜୀବନ ବଞ୍ଚିବା ସ୍ୱାଧିନ
ହୃଦେ ଚିନ୍ତି ଭଗବାନ ।
ଅନ୍ଧାର ପଥରେ ପଥିକ ହୋଇଲେ
ଜୀବନ ଟା ଅନ୍ଧକାର
ଭଲ କାମ କେବେ କରିପାରିବା ନି
ପିଣ୍ଡ ହୋଇବ ବେକାର ।
ପର ମନ୍ଦଚିନ୍ତା କୂଟ କପଟତା
ଆତ୍ମବଡିମା ଅପାର
କାହାକୁ ମାରିବା କାହାକୁ ତାରିବା
ଦିବାନିଶି ଏ ବିଚାର ।
ଗୋଟିଏ ରାସ୍ତାର ଦୁଇ ପ୍ରାନ୍ତ ଅଛି
ଏକଥା ଆମେ ଭାବିବା
ଗୋଟିଏ ନଈର ଦୁଇ କୂଳ ଅଛି
ଏକଥା ମନେ ରଖିବା ।
କଦାପି କାହାକୁ ବିନାକାରଣରେ
ଅସମ୍ମାନ କରିବାନି
ଭାଗବତେ ତାହା ଲେଖା ହୋଇଅଛି
ଶାମ୍ବ ନାରୀ ବେଶ ଠାଣୀ ।
ଋଷିଙ୍କ କୋପ ଅଭିଶାପର ବାଣୀ
ଯଦୁବଂଶ ହୁଏ ଧ୍ୱଂସ
ପାଇଲେନି କୃଷ୍ଣ ବଳରାମ ତ୍ରାହି
ଥାଇ ବିଷ୍ଣୁଙ୍କର ଅଂଶ ।
ଚୌରାଅଶୀ ଲକ୍ଷ ଯୋନି ଭ୍ରମଣ ପରେ
ମାନବ ଜୀବନ ପ୍ରାପ୍ତି
ଏହି ଜୀବନକୁ ଆଲୋକିତ କର
ଅହଂକାର ପରିହରି ।