ସାଗର

ବନ୍ଦଇ ଶ୍ରୀଗୁରୁ ଚରଣ

ମିନତି ବାରେ ମୋର ଘେନ ।

ସପତ ସମୁଦ୍ର ଉତ୍ପତ୍ତି

ଭାବେ ରଚିଲେ ଶିରୀପତି ।।

ସାଗରେ ନୀଳ ଜଳରାଶି

ରଖିଲେ ପ୍ରଭୁ ବିଶ୍ୱବାସୀ ।

ଜଳଚରଙ୍କୁ ସୃଷ୍ଟି କଲେ

ଚାରି ରୁ ତିନି ଭାଗ ଦେଲେ ।।

ଏକଭାଗେ ଜୀବଜଗତ

ସକଳପ୍ରାଣୀ ଆତଯାତ ।

ସାଗର ତିନି ଭାଗ ପାଇ

ମର୍ତ୍ତରେ ପ୍ରଭାବ ବଢାଇ।।

ବହୁତ ମୀନ ସୃଷ୍ଟି କରି

ତିମୀକୁ ଶ୍ରେଷ୍ଠ ଦେଲେ ହରି ।

ସାର୍କ କୁ ପଛରେ ରଖିଲେ

କଇଁଛ ମଗର ଥୋଇଲେ ।।

ଏମିତି ବହୁ ଜଳଜୀବ

ଆନନ୍ଦେ ରଖି ଆଦିମୂଳ ।

ସାଗରେ ଢେଉ ସୃଷ୍ଟି କରି

ଘର୍ଘରନାଦ ଦେଲେ ହରି ।।

ଔଷଧ ଗୁଣ ଜଳେଦେଲେ

ଲୁଣିଆ ଲାଗିଲା ସ୍ୱାଦରେ ।

ସ୍ରଷ୍ଟା କହିଲେ ସାଗର କୁ

ମହତ କାର୍ଯ୍ୟ କରିବାକୁ ।।

ମାତାର ଚରଣ ଧୋଇବୁ

ନିଶ୍ଚୟ ସାନିଧ୍ୟ ଲଭିବୁ ।

ଜଗତ ନାଥ ଶ୍ରୀକ୍ଷେତ୍ରରେ

ନମିବୁ ତାଙ୍କ ଶ୍ରୀପୟରେ ।।

ମହୋଦଧି ତା ନାମ ହେବ

ଜଗତେ ସୁଖ୍ୟାତି ରହିବ ।

ଭଜିବୁ ଜୟ ଜଗନ୍ନାଥ

ଲଭିବୁ ନିଶ୍ଚେ ମୁକ୍ତି ପଥ ।।