ସକଳତୀର୍ଥ ତୋ ଚରଣେ
ସକଳତୀର୍ଥ ତୋ ଚରଣେ
ବାବା ଆଖଣ୍ଡଳମଣି
ଜୟଜୟ ମହାଦେବ
ତୁମର ପ୍ରିୟା ଭବାନୀ
ଭକତ ବତ୍ସଳଶିବ ।
ଭଦ୍ରକ ଜିଲ୍ଲାର ମଧ୍ୟେ
କରିଅଛ ତୁମେ ବାସ
ଭକତ ଜନର ଦୁଃଖ
ହରଣ କର ଅବଶ୍ୟ ।
ସାଳନ୍ଦୀ ନଦୀ କୂଳରେ
ଅଛନ୍ତି ମାଁ ଭଦ୍ରାକାଳୀ
ଝରଝର ଝରିଆସେ
ବୈତରଣୀ ବହୁଅଛି ।
ପବିତ୍ର ଭୂମିରେ ବିଜେ
ଆପେ ସ୍ୱୟଂମ୍ବୁଶଙ୍କର
ପାପ ତାପ ରୋଗ ଶୋକ
ହରିଥାନ୍ତି ଭକତର ।
ଗଳାରେ ସର୍ପ ଭୂଷଣ
କରେ ଧାରଣ ତ୍ରିଶୂଳ
ଜଗତପିତା ଅଟନ୍ତି
ଆଭୂଷଣ ବ୍ୟାଘ୍ର ଛାଲ।
ଶିରରେ ଶୋଭା ପାଉଛି
ଜଟା ସହ ଅର୍ଦ୍ଧ ଚନ୍ଦ୍ର
ଏଠାରୁ ଉତ୍ପତ୍ତି ପୁଣି
ହୋଇଛନ୍ତି ଗଙ୍ଗା ମାତ ।
ସଂସାର ଯାକର ତୀର୍ଥ
ଠୁଳ ଯା ପଦ୍ମ ଚରଣ
ମୁନି ଋଷି ଜପୁଥାନ୍ତି
ପାଇବାକୁ ଦରଶନ ।
ଯୋଗୀ ଯୋଗୀ ମହାଯୋଗୀ
ମାଗୁଅଛି ମୁହିଁ କିଛି
କରୁଣା ସାଗର ହର
ନାମ ତୁମ ଜପୁଥିବି ।