ଷାଠିଏ ପଉଟି ନ ହେଲେ ଜଗାରେ

ଷାଠିଏ ପଉଟି ନ ହେଲେ ଜଗାରେ,

    ପେଟ ତୋର ପୁରେ ନାହିଁ,

ଦିନେ ଲକ୍ଷେ ଭକ୍ତ ନ ଦେଖିଲେ ନେତ୍ରେ

    ମନ ତୋର ମାନେ ନାହିଁ.,

ଜଗାରେ ନିଦ ତୋତେ ଲାଗେ ନାହିଁ । l0l

କଟକଣା ଯେବେ ଲାଗିବ ମନ୍ଦିରେ

    ପଡିବ ତୋର ଦୁଆର,

ଯିବେନି ଭକତ ଯିବେନି ସୁଆର

    ଏହି କି ତୋର ବିଚାର,

ରୋଗର ଆତଙ୍କେ ଥରୁ ଅଛି ମହି

    ତୋତେ କଣ ଜଣା ନାହିଁ,

ପ୍ରଭୁ ହେ ଜାଣି କି ପଡ଼ିଛ ଶୋଇ । l1l

ମାଳିକା ବଚନେ ଶେଷ କରିବାକୁ

     ଜଗନ୍ନାଥ ଧାମ ଲୀଳା,

ଶ୍ରୀ କ୍ଷେତ୍ରକୁ ଛାଡି ଛତିଆ ବଟରେ

    କରିବୁକି ଲୀଳା ଖେଳା,

ତରିବା ମାରିବା ସବୁ ତୋର ଇଛା

    ତ୍ରିଭୁବନେ କେହି ନାହିଁ,

ତୁମେ ପ୍ରଭୁ ଜଗତ ସାଇଁ ।  I2I