ଲାଇବ୍ରେରୀ
ପ୍ରୋଫାଇଲ୍
ସୁନା କୂଅ ରୂପା କୂଅ
ସୁନା କୂଅ ରୂପା କୂଅ
1 min
210
କୁହ ସୁନା କୂଅ କୁହ ରୂପା କୂଅ
କଲ କେତେ ତପ କୁହ
ସ୍ନାହାନ ମଣ୍ଡପେ ଯତିଙ୍କ ମସ୍ତକେ
ଆଜି ତୁମେ ଲାଗି ହୁଅ
ତୁମେ, ପ୍ରଭୁଙ୍କ ପରଶ ପାଅ l0l
ଶହେ ଆଠ ଗରା କଳସି ଜଳରେ
ପ୍ରଭୁ ହେବେ ଆଜି ସ୍ନାନ
ହରିବ ଦେହରୁ ଗ୍ରୀଷମ ପ୍ରକୋପ
ଲଭିବ ଅଶେଷ ପୁଣ୍ୟ
ସୁବାସିତ ଜଳ ସାଇତି ରଖିଛ
ବରଷକେ ଥରେ ଶ୍ରୀ ଅଙ୍ଗ ଧୋଉଛ
ମନ୍ଦିର ବେଢାରେ ରୁହ l1l
ସ୍ନାହାନ ବେଦୀରୁ ଶ୍ରୀ ଅଙ୍ଗ କମ୍ପିବ
ପ୍ରଭୁ ଯିବେ ଅଣସରେ
ଚଉଦ ଦିନର ଫୁଲୁରୀ ମର୍ଦ୍ଦନ
ବାସ ଚହଟେ ମନ୍ଦିରେ
କେତେ ଜଡିବୁଟି ଫୁଲର ବାସରେ
ବଇଦ କରିଛି ଅତି ସରାଗରେ
ଶ୍ରୀ ଅଙ୍ଗରେ ଲେପି ଦିଅ l2l
