Library
ସମ୍ପର୍କ
ସମ୍ପର୍କ
1 min
204
ବାପ ର ଆଖିରୁ ନିଦ ହଜିଯାଏ
ମାଆ ର ଆଖିରେ ଲୁହ
ବାସର ରଜନୀ ନପାହୁଣୁ ଏଣେ
ପର ହୋଇଯାଏ ପୁଅ ।
ମାୟା ପଚାରୁଛି "ମୋହ
କାହା ଦୋଷ ଦେବା କହ ?"
ପେଟରୁ କାଟିତ କଷ୍ଟ ସହି ବାପା
ପୁଅକୁ ମଣିଷ କରେ
ପୁଅ ଭୁଲିଯାଏ ବାପା ର ସେନେହ
ବହାଘର ଯେବେ ସରେ
ପୁଅ ଭଲପାଏ ସବୁଠି ଦେବାକୁ
ଶଶୁରଙ୍କ ପରିଚୟ ।
ମାୟା ପଚାରୁଛି "ମୋହ
କାହା ଦୋଷ ଦେବା କହ ?"
ମାଆ କରିଥାଏ କେତେ ଓଷା ବ୍ରତ
ପୁଅ ଟିଏ ପାଇବାକୁ
ପୁଅ ଭୁଲିଯାଏ ମାଆ ର ମମତା
ଭଲପାଇ ମାଇପକୁ
ଶାଶୁ ଶଳା ଶାଳି ପ୍ରେମ ଦେହେ ବୋଳି
ବୁଝେନା ମାଆ ର କୋହ ।
ମାୟା ପଚାରୁଛି "ମୋହ
କାହା ଦୋଷ ଦେବା କହ ?"
ଭାଇ ଦେଖେନାହିଁ ଭଉଣୀର ଶିରି
ଭାଇ ତ ଭଗାରୀ ହୁଏ
ଭାଉଜ ଫାସରେ ଭାଇ ନସପସ
ଭାବନାବ ଭୁଲିଯାଏ
ବଇକୁଣ୍ଠପୁର ହୁଏ ନାରଖାର
ଛିଣ୍ଡେଇ ସମ୍ପର୍କ ଖିଅ ।
ମାୟା ପଚାରୁଛି "ମୋହ
କାହା ଦୋଷ ଦେବା କହ ?"
ଇଏ କଳିକାଳ ରୀତିନୀତି ଭାଇ
ଘର ର ଗୁମର କଥା
ଭଲ କଥା ଏବେ ସବୁ ଲୋକଙ୍କୁ ତ
ଲାଗୁ ଅଛି ଭାରି ପିତା
ସମ୍ପର୍କର ଡୋର ଢିଲା ହୋଇଯାଏ
ସ୍ବାର୍ଥ ରେ ସବୁରି ଲୟ ।
ମାୟା ପଚାରୁଛି "ମୋହ
କାହା ଦୋଷ ଦେବା କହ ?"
