ଓଡ଼ିଆ ଭାଷା ମୋ ମାତୃଭାଷା
ଓଡ଼ିଆ ଭାଷା ମୋ ମାତୃଭାଷା
ଓଡ଼ିଆ କହିବା ଓଡ଼ିଆ ଲେଖିବା
ଭଲଲାଗୁ ନାହିଁ ଆଉ
ଓଡ଼ିଆ ମଝିରେ ଇଂରାଜୀ କହିଲେ
ଉଚ୍ଚ ଶିକ୍ଷିତରେ ଗଣା ହେଉ ।
ମୋ ରାଜ୍ୟ ଓଡ଼ିଶା ମୋ ଭାଷା ଓଡ଼ିଆ
ଭାରି ଭଲ ଲାଗେ ଓଡ଼ିଶୀ
ଅତି ଭଲ ଲାଗେ ପୁଅ ଝିଅଙ୍କଠୁ
ନିଜ ସ୍ତ୍ରୀ ଠାରୁ ପୋଡ଼ଶି ।
ମୋ ଗାଁ ଇସ୍କୁଲର ପିଲାମାନେ ସବୁ
ସହର କଲେଜ ଗଲେ
ଖଣ୍ଡି ଇଂରାଜୀକୁ ଘୋଷିଦେଇ ଆସି
ଦାଣ୍ଡରେ ଚିବାଉ ଥିଲେ।
ମୋ ଗାଁର ଏହି ଦାଦନ ଭାଇଙ୍କୁ
ଦେଖି ଯାଅ ଆସିଥରେ
ସୁରଟରୁ ଆସି ଓଡ଼ିଆ ଜାଣିନି
ହିନ୍ଦୀରେ ସେ କଥା ହୁଏ ।
ବସିବାକୁ କୁହେ ବେଠ୍ ଯାଓ ବୋଲି
ଖାଦ୍ୟକୁ କୁହେ ଖାନା
ସେ କାଳେ କୁଆଡେ ଗାଉଁଳି ନୁହଁଇ
ସହରୀରେ ହୁଏ ଗଣା ।
ମୋ ଗାଁ ର ଏହି କୃଷକ ଭାଇକୁ
ଦେଖି ଯାଅ ଆସି ଥରେ
କ୍ଷେତକୁ ସେ ଆଉ ଲଙ୍ଗଳ ନେଉନି
ହଳ କରେ ମେସିନ୍ ରେ ।
ତା ପୁଅ କାଳେ ଇଂଲଣ୍ଡରେ ରୁହେ
ଦେଇଛି ହଳ ମେସିନ୍
ଗାଁ କୁ ସେ କାଳେ ଉନ୍ନତ କରିବ
ରୀତି ନୀତି ଭୁଲି ଯାଇ ।
ମୋ ଭାଷାର ଯେଉଁ ଆଦର ରହିଛି
ଦେଖି ଯାଅ ଥରେ ଭାଇ
ଇଂରାଜୀ ଭାଷା କୁ ଆଦରି ନେଉଛ
କାହାରି ଭରଷା ପାଇଁ ।
ଓଡ଼ିଆ ଭାଷା ମୋ ଭାରି ପ୍ରସ୍ଫୁଟିତ
ପ୍ରକୃତିର ଏଇ ଦାନ
ଓଡ଼ିଆ କହିକି ବାଜି, ଗୋପବନ୍ଧୁ,
ହୋଇଥିଲେ ଦିନେ ଲୀନ ।
ଭାଷା ଓଡ଼ିଆ ମୋ ବେଶ ଓଡ଼ିଆ
ଇଂରାଜୀ କହିବି କାହିଁ
ଇଂରାଜୀ କହି କି ଉଚ୍ଚଶିକ୍ଷିତ ରେ
ଗଣାହେବା ଲୋଡା ନାହିଁ ।
ନିଜ ଭାଷା ଯଦି ଦୁର୍ବଳ ରହିଛି
ରହିବନି କେବେ ମାନ
ସବୁବେଳେ ତୁମେ ଅପରାଧୀ ସାଜି
ପାଇବ ଯେ ଅ ସମ୍ମାନ ।
ମାତୃ ଭାଷାର ଏତେ ଯେ ମହତ
କେହି ପାରନ୍ତିନି ଜାଣି
ବ୍ରିଟିଶ୍ ଆସିକି କି ସାଧନା କଲେ
ସମସ୍ତେ ହୋଇଲେ ଗୁଣୀ।