ଅଭାଗା ଜୀବନ

ସଂଘର୍ଷମୟ ଏ ଜୀବନର ଗାଥା 

   କହିଲେ ବୁଝିବ କିଏ 

ଅଭିଜ୍ଞତା ସବୁ ସ୍ମୃତି ହୋଇ ଯାଏ 

   ଅଲୋଡ଼ା ସେ ଦୁଃଖ ଦିଏ I

ଅପାସୋରା ସିଏ ଭୁଲି ବି ହୁଅନା 

   ନ ହୁଏ ଦେଖାଇ କିଛି 

କିଏ ବା ବୁଝିବ ଅନ୍ତର ବେଦନା 

   କାହାକୁ କହିବ ବାଛି I

 ଦୁନିଆଟା ବିଷମୟ ଲାଗେ ସିନା 

    ଏକଥା ଟା କିନ୍ତୁ ସତ 

ମରିନି ବିଶ୍ୱାସ ଛାଡ଼ିନାହିଁ ଆସ 

   ଭିନ୍ନ ଏ ଦୁନିଆ ମତ I

କିଏ ଆପଣାର କିଏ ପର ଏଠି 

  ଜାଣିବ କେମିତି କୁହ 

କିଛି ଲୁହ ଏଠି ପାଣି ପରି ବହେ 

   କିଛି ଲହୁ ପରି ଲୁହ I

ସନ୍ତାନ ର ସୁଖ ଦୁଃଖର ପାହାଡ଼ 

    କାହାକୁ କହିବ ଆଉ 

ନିଜ କର୍ମ ଭାଗ୍ୟ ଦୋଷକୁ ଆବୋରି

     ହୃଦୟରେ ଚାପି ଦଉ I

ଏଇ ତ ଜୀବନ ମଣିଷ ଜୀବନ 

  ଦୁନିଆ ଟା ରଙ୍ଗମଞ୍ଚ 

ଅଭିନୟ ସବୁ ଜଣା ପଡ଼ିଯାଏ 

   ସବୁ ମିଛ ଖାଲି ଖଞ୍ଚ I

ଜୀବନ ଅଛିତ ବଞ୍ଚିବାକୁ ହେବ 

   ଅଭାଗା ହେଲେ ହେଁ ହେଉ 

ହୃଦୟର କୋହ ହୃଦୟରେ ଚାପି 

    ବଞ୍ଚିତ ହୁଏନା ଆଉ I