କାହିଁକି?
କାହିଁକି?
କହିବ କି ପ୍ରଭୁ ଜଗତର ନାଥ
କାଇଁ ଏମିତି କରୁଛ
ନିଜ ସୃଷ୍ଟି ତୁମ ବିନାଶ ପଥରେ
ଦେଖି କେମିତି ସହୁଛ I
ଅବିନାଶୀ ତୁମେ ଅନାଦି ପୁରୁଷ
କ୍ଷୀରଶାୟୀ ନାରାୟଣ
ସୃଷ୍ଟି ରକ୍ଷା ପାଇଁ ମର୍ତ୍ତ୍ୟ ତୁମେ ଜାତ
ଭୁଲିଲ କେଉଁ କାରଣ I
ବନ୍ୟା ବାତ୍ୟା ପୁଣି ମହାମାରୀ ଆଜି
ସୃଷ୍ଟି ତୁମ କବଳିତ
ତୁମରି ସୃଷ୍ଟିରେ ମୁତ୍ୟୁର ତାଣ୍ଡବ
କରୁନି କି ଆନ୍ଦୋଳିତ I
ଦୟା କର ବାରେ ଦୟାର ସାଗର
ଜଗତେ ପଡୁଛି ହୁରି
ଜଗତର ନାଥ ଜଗନ୍ନାଥ ପରା
ସୃଷ୍ଟିକୁ ରଖ ଆବୋରି I