କରୁଣ ନିବେଦନ
କରୁଣ ନିବେଦନ
ଦୁଃଖୀ ଧନ ଦୁଃଖୀ ସଙ୍ଗାତ ହେ ନୀଳ ମାଧବ
ମୋତେ ଚରଣେ ଶରଣ ଦିଅ
ପ୍ରାଣ ବନ୍ଧୁ ପ୍ରାଣ ସଙ୍ଗାତ ହେ ମୋ ପ୍ରାଣ ଧନ
ମୋତେ ଆପଣାର କରି ନିଅ ।
ଦୀନବନ୍ଧୁ ହେ ଦୀନଜନ ଡାକ ଶୁଣିବ
ସେହିଆଶା ଆଉ ଭରଷା କରିଛି
ମୋତେ ପର ନକରିବ ହେ ନୀଳମାଧବ
କେବେ ଦରଶନ ଦେବ କୁହ ମୋତେ ଆପଣାର କରି ନିଅ ।
ମହାବାହୁ ହେ, ମହାଜନ ଦେବ ଭୋଦେବ
ସରି ସରି ଆସେ ଆୟୁଷ ମୋହର
କେବେ କୁହ ଦେଖାହେବ ହେ ନୀଳମାଧବ
ପ୍ରାଣ ହେଲାଣି ମୋର ଅଥୟ ମୋତେ ଆପଣାର କରି ନିଅ ।
ଜଗବନ୍ଧୁ ହେ ତରିବାକୁ ଭବ-ଅର୍ଣ୍ଣବ
ଏ ଜୀବନ ତରୀ ଖତରା ହେଲାଣି
ଆଉ ଡେରି ନକରିବ ହେ ନୀଳମାଧବ
ମନୁ ତୁଟାଇ ଦିଅ ମୋ ମୋହ ମୋତେ ଆପଣାର କରି ନିଅ ।
କୃପାସିନ୍ଧୁ ହେ କହିବାକୁ ମନର ଭାବ
ନାହିଁତ ସାହସ ତୁମକୁ ଅଜଣା
କିବା ଅଛି ବାସୁଦେବ ହେ ନୀଳମାଧବ
ମୋର ମନୁ ଦ୍ଵନ୍ଦ କର ଅପଚୟ ମୋତେ ଆପଣାର କରି ନିଅ ।