ସର୍ବାଗ୍ରେ ଶ୍ରୀଗଣେଶ
ସର୍ବାଗ୍ରେ ଶ୍ରୀଗଣେଶ
ପାର୍ବଣ ର ଶୁଭ ଆରମ୍ଭ ହୁଅଇ
ଆସିଲେ ମାସ ଭାଦ୍ରବ
ଭାଦ୍ରବ ଶୁକ୍ଳ ଚତୁର୍ଥୀ ତିଥିରେ
ଶ୍ରୀ ଗଣେଶ ପୂଜନ ହେବ।
ବିଘ୍ନ ବିନାଶନ ପ୍ରଭୁ ଗଜାନନ
ସର୍ବାଗ୍ରେ ପୂଜା ତୁମରି
ଏକଦନ୍ତ ମହକାୟ ଗୌରୀ ନନ୍ଦନ
ମୂଷିକ ବାହନ ଧରି ।
ମହାଜ୍ଞାନୀ ପ୍ରଭୁ ସିଦ୍ଧି ବୁଦ୍ଧି ଦାତା
ବିଦ୍ୟାର୍ଥୀଙ୍କ ପ୍ରିୟ ଦେବ
ତ୍ରିପୁର ରେ ପୂଜା ପାଉଛ ହେ ପ୍ରଭୁ
କିଏ ବା ସେପରି ହେବ ।
ଗୁହାଗ୍ରଜ ଏକଦନ୍ତ ଶୁର୍ପକର୍ଣ୍ଣ
ହେରମ୍ୱ ଦୈମାତୁର
ଗଜବକ୍ତ୍ର ବିଘ୍ନନାଶନ ଗଜାନନ
ଗଣେଶ ଲମ୍ବ-ଉଦର ।
ଜ୍ଞାନ ଚକ୍ଷୁ ରେ ଦେଖିଲ ବ୍ରହ୍ମାଣ୍ଡ
କେନ୍ଦ୍ର କରି ପିତାମାତା
ମୂଷିକ ବାହନ ହେଲେହେଁ ତୁମର
ଜ୍ଞାନ ବଳରେ ବିଜେତା ।
ଅତି ଆଡ଼ମ୍ବରେ ହୁଏ ଗଣେଶ ପୂଜନ
ନାହିଁ ଭେଦ ଭାବ କିଛି
ସର୍ବ ଧର୍ମ ସମ୍ପ୍ରଦାୟେ ପାଳନ ହେଉଛି
ସାମାଜିକ ସଦ୍ଭାବ ରହିଛି ।
ଜ୍ଞାନୀ ଅଜ୍ଞାନୀ ସବୁରି ମୁଖରେ ଜୟ
ପୂଜା ମଣ୍ଡପ କମ୍ପୁଛି
ଯୁବ ଗୋଷ୍ଟିଙ୍କର ହର୍ଷ ଉଲ୍ଲାସର ଭାବ
ପ୍ରତ୍ୟକ୍ଷ ଭାବେ ଦିଶୁଛି ।
ରଙ୍ଗ ବେରଙ୍ଗ ର ତୋରଣ ଶୋଭାରେ
ପୂଜା ମଣ୍ଡପ ଶୋଭିତ
ବାଦ୍ୟ ଯନ୍ତ୍ର ସହ ସଙ୍ଗୀତ ଶବ୍ଦରେ
ପାର୍ବଣ ସମ୍ଭାର ଜଡ଼ିତ ।
ବରଷକେ ଥରେ ଆସିବା ଆଗରୁ
ସଭିଙ୍କ ମନରେ ଖୁସୀ
ବିଘ୍ନ ବିନାଶନ ପ୍ରଭୁ ଗଜାନନ
ଜ୍ଞାନ ଦିଅନ୍ତୁ ବରଷି ।