Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anita Dash

Abstract Others Children


3  

Anita Dash

Abstract Others Children


ସୋରିଷ କ୍ଷେତରେ ଆଲୁଅ ଢେଉ

ସୋରିଷ କ୍ଷେତରେ ଆଲୁଅ ଢେଉ

1 min 7 1 min 7


ଫାଟି ଫାଟି ଯାଏ ପୂରୁବ ଆକାଶ

ଦୂରେ ଦୂରେ ଯାଏ ଅନ୍ଧାର ରାହୁ,

ଚିକିମିକି ବାଳ ସୂରୁଯ କିରଣ

ଢାଳି ଢାଳି ଯାଏ ସିନ୍ଦୁରି ମହୁ। [୧]

ମନ୍ଦ ମନ୍ଦ ବହେ ଫୁଲେଇ ସମୀର

ବିନ୍ଦୁ ବିନ୍ଦୁ ଝରେ କାକର ତେହୁଁ,

ଝିଲିମିଲି ଶୋଭା କେଡେ ମନୋହର

ସୋରିଷ କ୍ଷେତରେ ଆଲୁଅ ଢେଉ। [୨]

କାଆ କାଆ ରାବି ଚତୁର କୁଆଟି

ନିଦରୁ କୁନିକୁ ଦିଏ ଜଗେଇ,

ଝଅଟ ଝଅଟ ନିତ୍ୟକର୍ମ ସାରି

ବିଦ୍ୟାଳୟ ଯିବ ପଢିବା ପାଇଁ । [୩]

ଫୁରୁଫୁରୁ ଉଡେ କୁନିର କୁନ୍ତଳ

ଭୁରୁଭୁରୁ ତାରେ ମହକେ ବାସ,

ରୁଣୁଝୁଣୁ ସୂର ପାଉଁଜ ଶବଦ

ଶୁଣୁଶୁଣୁ ମନ ହୁଅଇ ତୋଷ । [୪]

ଖିଲିଖିଲି ତାର ମନଖୋଲା ହସ

ଚହଚହ ଦିଶେ କାଉଁରୀ ମୁହଁ,

ଫୁଲିଫୁଲି କାନ୍ଦେ ଅଝଟ ହୋଇଲେ

ଧାରଧାର ବୁହେ ଆଖିରୁ ଲୁହ। [୫]

ଟିକିଟିକି କାଠି ଏକାଠି ଜମେଇ

ଧୁନି ଜଳଉଛି ସପନି ଭୋଇ,

କୁଟିକୁଟି ପାନ ପାକୁଆ ପାଟିରେ

ଖାଇଖାଇ ଡାକେ ରଜିଆ ଭାଇ । [୬]

ଝରଝର ଝରେ ଟିକି ଝରଣାଟି

କଳକଳ ଗାଇ ମଧୁର ଗୀତି,

ଧୋବ ଫରଫର କାଚକେନ୍ଦୁ ଜଳ

ଛଳଛଳ ଛନ୍ଦେ ଚପଳମତି। [୭]

ଟିକ୍ ଟିକ୍ ଚାଲେ ଘଣ୍ଟା କଣ୍ଟା ଆମ

ଠିକ୍ ଠିକ୍ ଯାଏ ସମୟ କହି,

ଫକଫକ ଡେଇଁ ଟିକି ଚଢେଇଟି

ଟୁକୁଟୁକୁ ଦାନା ଖୁଣ୍ଟିକି ଖାଇ । [୮]

କିଟିକିଟି କଳା ଅନ୍ଧାର ରାତିରେ

ମିଟିମିଟି ଚାହେଁ ଟିକି ତାରାଟି,

କିରିକିରି ହସି ଫୁଲେଇ ଜହ୍ନଟି

ଧୀରେ ଧୀରେ ଯାଏ ବଉଦେ ଲୁଚି। [୯]

ଝିପିଝିପି ମେଘ ଶୁଖିଲା ଭୂଇଁରେ

ଭିନିଭିନି ବାସେ ମାଟିର ବାସ,

ଚୁପିଚୁପି ହସେ ବିରହୀ ଚାତକ

ଝୁମିଝୁମି ନାଚେ ମୟୁର ଦେଖ। [୧୦]


Rate this content
Log in

More oriya poem from Anita Dash

Similar oriya poem from Abstract