ସ୍ନେହ ସମ୍ପର୍କ
ସ୍ନେହ ସମ୍ପର୍କ
ଗଣିତ କଷିଲେ ଏଠି ମିଳୁନି ହିସାବ
କୋଉ ନିକିତିରେ କୁହ କିଏ ତଉଲିବ
ଆଖିକୁ ପଚାରେ ଆଜି ପଲକ
କେମିତି କା ଏ ସ୍ନେହ ସମ୍ପର୍କ !
ସମ୍ପର୍କ ହଜିଛି ଆଜି ଚୋରାବାଲିରେ
ଖୋଜିଲେ ମିଳୁନି ତା ଖିଅ
ଅଦଳ ବଦଳ କରି ଏ ସମୟ
ଖେଳୁଛି ଛାଇ ଆଲୁଅ ।
କଳି ତ ହୁଏ ନା ଏଠି କିଏ ବଡ଼ ସାନ
କେମିତି ମାପିବି କାହାର ଓଜନ
କିଏ ବେଶି କିଏ ଅଳପ
କେମିତିକା ଏ ସ୍ନେହ ସମ୍ପର୍କ !
ସଂସାର ହାଟରେ ଚାଲିଛି ଲଢେଇ
ହସୁଛି କିଏ ସେ କାହାକୁ କନ୍ଦେଇ
ଦଇବ ଜାଣିଛି ସବୁରି ଠିକଣା
ତଥାପି ମଣିଷ ହୁଏ ବାଟ ବଣା
କୋହ କୁ ପଚାରେ ଆଜି ଲୋତକ
କେମିତିକା ଏ ସ୍ନେହ ସମ୍ପର୍କ !
----୦-----