ସମୟ ମାଗୁଛି ସମ୍ମାନ ଟିକେ

ସମୟ ମାଗୁଛି ସମ୍ମାନ ଟିକେ

ସମୟ ସହିତ ମଣିଷ ଶିଖେ ।

ବିଫଳତା ତଥା ସଫଳତା ରେ

ଶିକ୍ଷଣୀୟ ତଥ୍ୟ ତତ୍ତ୍ୱ ଛଳ ରେ ।

ଭରା ଅଟେ ଆମ ଜୀବନ ଯାତ୍ରା

ସୁନ୍ଦର ପ୍ରକୃତି ପ୍ରାକୃତିକତା ।

ଅନୀର୍ବଚନୀୟ ଭାବ ମାଧୁର୍ଯ୍ୟ

ସବୁ କୁ ଧରି ସେ କରଇ କାଯ୍ୟ ।

ସମୟ ର ଯିଏ କରେ ସମ୍ମାନ

ସୁଖେ ବିତେ ସିନା ତାହାର ଦିନ ।

ସବୁଠୁ ଦୁର୍ମୂଲ୍ୟ ଚିଜ ସମୟ

କିଣି ହୁଏ ନାହିଁ କଲେ ତା' ବ୍ୟୟ ।

ସୁଖ ଦୁଃଖ ଭୋଗ ଭିଆଣ ତାର

ଜୀବନ କରେ ସେ ସିନା ମଧୁର ।

ଅକାରଣ ତାର ନ କରି ବ୍ୟୟ

କାମ ରେ ଲଗାଇ ସାଧିବା ଲକ୍ଷ୍ୟ ।

ଲକ୍ଷ୍ୟ ହାସଲ ଓ ସିଦ୍ଧି ସକାଶେ 

ଉପଯୋଗୀ ଯାହା ସମୟ ଅଟେ ।

ଅନ୍ତର୍ନିହିତ ଶକ୍ତି ସାମର୍ଥ୍ୟ ର

ସମୟ ହିଁ କରି ଥାଏ ବିସ୍ତାର ।

ନଦୀ ପରି ଗତି ତା ' ଅବିରାମ

ଅନାଦି କାଳ ରୁ ସେ ଚିରନ୍ତନ ।

ସମୟ କୁ ଯିଏ କରେ ସମ୍ମାନ

ପୂର୍ଣ୍ଣ ହୋଇ ଥାଏ ତା' ମନସ୍କାମ ।

ଅଯଥା ସମୟ ବ୍ୟୟ କରିଲେ

ଦୁଃଖୀ ହୋଇ ଥାନ୍ତି ସବୁଠି ଭଲେ ।

ଭାଗ୍ୟ ଆଉ ଭାଲେ ଦୋଷ ଲଦଇ

ନିୟତି ନିଷ୍ଠୁର ବୋଲି ଭଳଇ ।

ନିୟତ ସମୟ ଯାଉଛି ବୋହି

ନିନ୍ଦିତ ବିଚାରେ ବ୍ୟୟ ନ କରି ।

ସମୟ କୁ ଯେବେ ପାରିବ। ଧରି

ଆନନ୍ଦେ କଟିବ କାଳ ଆମରି ।

ସ୍ନେହ ଶ୍ରଦ୍ଧା ପ୍ରେମ ପ୍ରୀତି ଉଚ୍ଛୁଳି 

ମଧୁମୟ ହେବ ସଂସାରେ ଚଳି ।