Library
ସମୁଦ୍ର ଆସୁଛି ମାଡି
ସମୁଦ୍ର ଆସୁଛି ମାଡି
ସମୁଦ୍ର ଆସୁଛି ମାଡି
ସଜାଗ ହୁଅ ରେ
ସଜାଗ ହୁଅ ରେ
ଛାଡିଲାଣି ସିଂହରଡି।
ସମୁଦ୍ର ଆସୁଛି ମାଡି।
କେବେ ସାଜି ମହାବାତ୍ୟା ଆଉ କେବେ ପୁଣି ଫୋନି
କେବେ ଆସେ ହୁଡୁହୁଡୁ ହୋଇ କେବେ ଫାଇଲିନି।
ବରୁଣ ରାଜାଙ୍କ କୋପ ବାୟୁଦେଵଙ୍କର ରୋଷ
ଧରି ଭୟଙ୍କର ରୂପ ଧରି ଆତଙ୍କର ବେଶ।
ସମୁଦ୍ର ଆସୁଛି ମାଡି
ସଜାଗ ହୁଅ ରେ
ସଜାଗ ହୁଅ ରେ
ଛାଡିଲାଣି ସିଂହରଡି।
ସମୁଦ୍ର ଆସୁଛି ମାଡି।
ଶୋଷିତ ପୃଥିବୀ ମାଆର ସେ କରୁଣ କାହାଣୀ
କିଏ କହିଦେଲା ସତେ ଦେବତା ଗଲେ ଯେ ଜାଣି।
ମାନବ ସମାଜ ଅବା ତାର ସୃଷ୍ଟି ସଂରଚନା
ସବୁ ସମୁଦ୍ରେ ମିଶିବ ସବୁ ହୋଇଯିବ ଚୁନା।
ସମୁଦ୍ର ଆସୁଛି ମାଡି
ସଜାଗ ହୁଅ ରେ
ସଜାଗ ହୁଅ ରେ
ଛାଡିଲାଣି ସିଂହରଡି।
ସମୁଦ୍ର ଆସୁଛି ମାଡି।
ପବନେ ଉଡାଇ ଦେବ ପାଣିରେ ଭସେଇ ନେବ
ଯେତେ କଷ୍ଟ ସେ ସହିଛି ସୁଧମୂଳ ସୁଝି ଦେବ।
କାହିଁ ଆସେ ବାରମ୍ବାର ଜାଣ ହେ ତାର ଉତ୍ତର
ବୁଡ଼େଇ ଦେବାକୁ ତାର ମିଛ ଗର୍ବ ଅହଂକାର।
ସମୁଦ୍ର ଆସୁଛି ମାଡି
ସଜାଗ ହୁଅ ରେ
ସଜାଗ ହୁଅ ରେ
ଛାଡିଲାଣି ସିଂହରଡି।
ସମୁଦ୍ର ଆସୁଛି ମାଡି।
