କେମିତି ଅଛି ମୁଁ...

କେମିତି ଅଛି ମୁଁ' କହିବି କି'ପରି

                     ଭାବିବାକୁ ଲାଗେ ଶଙ୍କା ,

ତୁମରି ବିଚ୍ଛେଦ ହୃଦେ ଦିଏ କ୍ଷତ

                    ଭାବେ କେବେ ହବ ଦେଖା ।

ଶରୀରରୁ ଯଦି ଆତ୍ମା ଛାଡ଼ି ଯାଏ

                      ଜିଇଁଥାଇ କିବା ଲାଭ ,

ଅଧାଗଢ଼ା ଯଦି ପ୍ରେମ ରହିଥାଏ

                     ବଢୁଥିଲା କାହିଁ ଭାବ ।

ଭୁଲ୍ ନାହିଁ ମୋର, ନାହିଁ ବି ତୁମର

                    ଭାଗ୍ୟ କଲା ବିଡ଼ମ୍ବନା ,

ସମୟ ଚକରେ ପେଶି ହୋଇ ଦୁହେଁ

                     ହୋଇଗଲେ ଆନମନା ।

ଏକାନ୍ତରେ ଯଦି ପଚାରେ ମନକୁ

                       କାହିଁ ହେଲୁ ଆନମନା ,

ବାସ୍ତବେ ଆଜିବି ଝୁରୁଛି ତୁମକୁ

                       କାରଣ ଖୋଜି ପାଏନା ।

ଭୁଲିଯିବା ସବୁ ରାଗ ଅଭିମାନ

                     ସମୟକୁ କରି ସାକ୍ଷୀ ,

ପୂରଣ କରିବା ଅଧାଗଢ଼ା ପ୍ରେମ

                     ସାଜି ଦୁଇ ପ୍ରେମ ପକ୍ଷୀ ।