ସ୍ମୃତି

ସ୍ମୃତି ମୋର ସେଇ        ବାଳିକା ବଧୂର

       ବେଳାଭୂମି ବାଲି ଘର,

ସାଗର ବେଳାରେ          ନିତି ଗଢୁଥାଏ

        ଭାଙ୍ଗୁଥାଏ ବାରବାର ।।

ସଢ଼େଇରେ ଭାତ        ଡ଼ାଲି ତରକାରୀ

        ମିଛି-ମିଛିକା ସେ ଖେଳ,

ଜୀଵନରେ ମୋର       ଭରିଦିଏ ରଙ୍ଗ

        ଲଙ୍ଘିଯାଏ ସିନ୍ଧୁ କୂଳ ।।

ସ୍ମୃତି ମୋର କେଵେ       ନିର୍ଜନ ରାତିରେ

         ପୂର୍ଣ୍ଣମୀ ଜହ୍ନର ଜୈସ୍ନା,

ଶୁଭ୍ର ଆଲୋକରେ        ଆଲୋକିତ କରେ

         ଅତୀତ କୁ କରେ ସାମ୍ନା ।।

ବିଗତ ଦିନର        ଅଭୁଲା ସ୍ମୃତି କୁ

      ଝୁରିଝୁରି ଦିନ ସରେ,

ଦୁଃଖ ପରେ ସୁଖ      ବିଧାତା ଲେଖିଛି

       ଜିଇଁବି ନୂଆ ଆଶାରେ।।

ସ୍ମୃତି ମୋର ସେହି       ବସନ୍ତ ଋତୁର

        ଆମ୍ବ ବ‌ଉଳର ବାସ୍ନା,

ଚୋରା ମଳୟରେ        କୋଇଲି ର ସ୍ବର

        ମନେ ଭରିଦିଏ ତୃଷ୍ଣା ।।