ମୁକ୍ତ ଆକାଶର ପକ୍ଷୀ

ମୁକ୍ତ ଆକାଶର ମୁକ୍ତ ବିହଙ୍ଗ ମୁଁ 

             ଲୋଡା଼ ନାହିଁ ବସାଘର ,

ସାରା ଦୁନିଆଟା ଘୁରି ବୁଲୁଥିବି

             ସଭିଏଁ ମୋର ନିଜର ।

ଲୋଡ଼ା ନାହିଁ ମୋର ନିଜର ସାଥୀଟେ 

             ରଖୁଥିବ ମତେ ବାନ୍ଧି ,

ଏ ଡ଼ାଳୁ ସେ ଡାଳ ଘୁରି ବୁଲୁଥିବି 

             କରିପାରିବନି ବନ୍ଦୀ l

ହେବି ନାହିଁ କାହା କଥାରେ ଆକଟ 

             ମୁଁ ନୁହେଁ କ୍ରୀତଦାସ ,

ସହି ପାରିବିନି ଅନ୍ୟର ଆକ୍ଷେପ 

  

Advertisement

;           ହେବି ନାହିଁ ଉପହାସ l

ଦୁଇ ଡେଣା ଝାଡ଼ି ଉଡ଼ି ବୁଲୁଥିବି

              ମୁକ୍ତ ଆକାଶର ମୁଁ ପକ୍ଷୀ ,

ଦେଇ ପାରିବନି ମନରେ ଯନ୍ତ୍ରଣା              

              ପାରିବେନି କେହି ରୋକି l

ଲୋଭ ମୋହ ପ୍ରେମ ନୁହେଁ ମୋ ନିଜର

               ମିଛ ମାୟା ଏ ସଂସାର ,

ଏକା ଏକା ସଦା ଘୁରି ବୁଲୁଥିବି 

              ଏ ଜୀବନଟା ଯାଯାବର l